Este venres, 8 de novembro de 2013, TERTULIA do IEM co especialista en xenética da vide, Antón Masa Vázquez (Misión Biolóxica de Galicia) . O faladoiro leva por título " O sector vitivinícola galego: Historia e actualidade", e será presentado polo botánico, Xosé Ramón García, membro da Xunta de Goberno do IEM. Como é costume o faladoiro terá lugar na sede do Instituto de Estudos Miñoranos, na Aula de Cultura "Ponte de Rosas" (Avda. da Feira, 10, baixo, Gondomar) ás 20:30h.

Para honrar a memoria da poeta nacional neste ano no que se cumpre o sesquicentenario da publicación do seu primeiro poemario en galego, o Instituo de Estudos Miñoranos organiza unha fin de semana de homenaxe a Rosalía de Castro

Un grupo de alumnos e profesores do  IES Auga da Laxe de Gondomar  viaxará a Italia ca fin de participar no terceiro encontro do Proxecto Comenius "Little steps for a healthier world" (“Pequenos pasos cara a un mundo máis saudable”).  O evento congregará na cidade de Palermo a centros educativos de varios países ca fin de reforzar a dimensión europea do ensino. As actividades na que participarán os estudantes gondomareños terá lugar entre os días 13 ó 18 de outubro e forma parte das actividades do Organismo Autónomo de Programas Educativos Europeos (APEE).

O xoves, 10 de outubro, ás 20:00 horas, na libraría Libraida, rúa Rosalía de Castro, 13 de Gondomar, terá lugar a presentación do poemario Raíz da fenda (Xerais, 2013) de Berta Dávila, gañadora do  XV Premio de Poesía Johán Carballeira do Concello de Bueu .