O Instituto de Estudos Miñoranos abre inscricións para interesados en participar dun Curso de Creación Literaria (poesía e prosa) que dirixirá a escritora Elvira Riveiro. O mesmo se desenvolverá en oito sesións os días xoves de 18:30 a 19:30 horas na Aula de Cultura Ponte de Rosas, situada na Avenida da Feira, número 10, baixo (Gondomar).
A matrícula ten un custe de 20 euros, cun límite de 25 prazas, as que serán escollidas por rigoroso orden de inscrición. A data de inicio do curso está prevista para o vindeiro 19 de setembro. As persoas interesadas deben contactar co IEM, de luns a venres en horario de 18 a 22 horas, a través do teléfono 986 360 575 ou nas oficinas da Aula de Cultura Ponte de Rosas. Tamén está dispoñible o correo electrónico Este enderezo de correo-e está a ser protexido de robots spamers, precisas activar o JavaScript para velo .
Elvira Riveiro.
Mestra e licenciada en Filoloxía galego-portuguesa, é membro das Redes Escarlata. Publicou nos libros colectivos Sempre Mar, Cultura contra a Burla Negra, Os gozos e as sombras, 10+10 novas visións e Das sonorosas cordas, 15 poetas desde Galicia. Obtivo o primeiro premio no certame Rosalía de Castro de Cornellà (Barcelona) en 2003 e unha mención especial no Faustino Rey Romero (Rianxo) no 2004. En 2011 gañou a sexta edición do Certame de Poesía Erótica Illas Sisargas co poemario Carnia Haikai.
Interesada na poesía visual e obxectual, colaborou co portal culturagalega cunha sección denominada Inventario Indócil.