Finalmente o xurado elixiu 4 obras como finalistas de entre os 33 orixinais aspirantes a conseguir o VI Premio de Poesía Victoriano Taibo - Entidade Local de Morgadáns. Trátase dos títulos Territorios estraños, Estar aquí, Deitado no colo do odio, Volvería ao frío. Na próxima semana darase a coñecer cal dos catro é o gañador desta convocatoria cuxo ciclo pecharase na primeira quincena de novembro coa celebración do acto de entrega do premio, dotado con 3000 €, unha estatua conmemorativa da autoría de Fino Lorenzo e a publicación do libro na colección Victoriano Taibo do IEM.
O xurado do VI Premio de Poesía Victoriano Taibo - Entidade Local de Morgadáns, deliberou este martes 10 de setembro de 2013 e estivo integrado polos escritores Gonzalo Navaza, Marta Dacosta, Araceli Gonda, Conchita Álvarez, Rexina Vega e Miguel Anxo Mouriño, este último como secretario.
A obra premiada e nome do autor será dado a coñecer publicamente no transcurso da vindeira semana cando o xurado emita o seu veredicto final.