A ex Colexiata de Baiona, un dos monumentos senlleiros da arquitectura relixiosa no Val Miñor será o destino da vindeira Xeira do Instituto de Estudos Miñoranos en colaboración coa Asociación O Sorriso de Daniel. A mesma terá lugar o vindeiro mércores 28 de agosto ás 18 horas, con punto de encontro no adro da igrexa. A guía estará a cargo da experta no Románico, Margarita Vázquez (O Sorriso de Daniel).
Santa María de Baiona, a igrexa parroquial e de grande influencia na configuración urbana da vila, é un exemplo de románico de transición e en estreita relación coa arquitectura cisterciense de Santa María de Oia. Datable no século XIII estaba vencellada ao gremio de Mareantes e foi colexiata desde 1482 ata o século XIX.
