-A caseta do Paseo Ribeira encargada da atención e asesoramento a turistas permanecerá cerrada os días 31 de decembro e 1 de xaneiro.

O Concello de Baiona asinou este martes 17 de decembro un convenio coa Escuela de Organización Industrial (EOI) que permitirá destinar un orzamento de 200.000 euros cara o desenvolvemento e innovación do sector turístico local. O acordo coa EOI permitirá levar adiante diversas actividades e iniciativas de I+D+i (investigación, desenvolvemento e innovación) no sector das Pemes ca fin de mellorar a xestión turística e gañar en competitividade, segundo o expresado pola administración local.

Máis de media ducia de coches policiais participaron onte nunha intensa persecución que finalizou na rotonda de Sabarís logo de que un coche saltase un control policial e fixese saltar todas as alarmas sobre a identidade do conductor.

Un individuo non fixo o alto nun control policíal en Vigo,  feito disparou todas as alarmas sobre a posibilidade de que se tratase de Saturnino Marco Cerezo "Canceliñas" o que provocou unha persecución policial na que, segundo a TVG, participaron axentes de Vigo, Nigrán e Baiona.

Un testigo durante o suceso relatou a esta redacción como varios coches seguían a un Peugeot 306 que entraba en Ramallosa por dirección contraria para rematar empotrado na rotonda de Sabarís, logo de que un coche policial o botara fóra da calzada. Unha actuación que sorprendeu a todos os presentes dada a magnitude do despliegue.

Finalmente o detido identificado non se trataba de "Canceliñas" se non dun conductor sen carnet.

As forzas de seguridade mateñen a búsqueda do citado fuxido sobre todo polo sur da provincia de Pontevedra.

A representante do BNG no Congreso de los Diputados afondará, tal e como fixo a pasada semán en Gondomar, na perda de competencias que a reforma prevé para os concellos de menos de 20 mil habitantes. Entre elas a posible diminución ou accesibilidade das asociacións locais para acceder a axudas e subvencións.

O BNG de Baiona realizará este venres, a partires das oito e cuarto da tarde, na Praza de Abastos de Baiona, unha charla informativa na que porán de manifesto as consecuencias da reforma local promovida dende o Partido Popular que segundo manifestan supún  un recorte e privatización dos servizos así como a "invasión" de competencias municipais en beneficio das deputacións.

Co fin de solucionar os problemas producidos por unha rede de saneamento "deteriorado e envellecido", con canalizacións que se quedaron "obsoletas e escasas" para dar saída ás augas residuais e pluviais, o concello de Baiona anuncia que está levando a cabo un plan de substitución das mesmas. A obra, cuxo importe ascende ao redor dos 40.000 euros, conta cunha subvención da Consellaría de Presidencia da Xunta de Galicia.

-O PSOE advirte que tampouco apoiará unha moción da maioría popular no pleno deste xoves, para subir as tarifas da auga e a rede de sumidoiros nun momento onde os efectos da crise e os recortes afectan con dureza á poboación.

A portavoz, Isabel Domínguez Quintas (PSOE) denuncia que non foi até este martes, 24 horas antes do sesión,  cando a alcaldía deu a coñecer que presentará unha moción co fin de incrementar nun 5,5% a taxa da recollida do lixo. Segundo a concelleira, o rexedor Jesús Vázquez Almuíña, o fixo sen levar a proposta á Comisión Informativa do Pleno.

En plena crise do transporte público na bisbarra, o partido EQUO Pontevedra instou este venres ao alcalde de Baiona a sumarse á campaña europea "Móvete por un aire máis limpo", que terá lugar desde o vindeiro 16 ao 22 de setembro. A mesma procura sensibilizar ás autoridades locais europeas a introducir medidas de transporte público sostible nas vilas e cidades, no canto de modificar hábitos de desprazamento e buscar alternativas ao vehículo privado.

Esquerda Unida de Baiona amosa a súa preocupación polos xa varios os accidentes de tráfico e atropelos, "algúns deles con consecuencias irreparables" que se levan producido na Avenida Foz do Miñor "por condución a velocidades inadecuadas". Por mos disto, solicitan ao Concello de Baiona que faga as xestións oportunas para que se coloquen os redutores de velocidade coñecidos como paso peonil sobreelevado, nesa rúa.