Anova Baiona celebrará o vindeiro sábado 22 de xuño, a "Primeira Travesía en defensa do Mar e a Terra". Os organizadores informan que trátase dun acto aberto que consistirá nun percorrido en barco polo mar de Panxón e Baiona ademais do desembarco durante dúas horas nas Illas Cíes. Segundo explica o voceiro nacionalista Antonio Espinar, os asistentes "poderán coñecer a bordo as explicacións sobre a riqueza da nosa terra e o noso mar, mediante proxeccións e exposicións". Tamén haberá contacontos, obradoiros e música.
Ciencia e tecnoloxía - Val Miñor
Unha hora máximo de aparcamento para Sabarís e liberalización de horarios para grandes superficies
O BNG de Baiona criticou onte nun comunicado os acordos alcanzados no pleno realizado onte en Baiona.
O goberno municipal acordou fixar unha zona azul de aparcamento gratuíto nas rúas Carabela Pinta (Baiona) e Julián Valverde en Sabarís.
O portavoz do BNG, Iago Pereira, denunciu onte nun comunicado un novo "bloqueo do acceso" aos veciños que pretendían asistir ao pleno, pese a que a plataforma de afectados polas preferentes non acudiron á cita e o cartel de "completo" non coincidía exactamente co número de bancadas libres no salón de plenos.
Pereira manifestou que o pleno aprobou a nova normativa de estacionamento a Avda. Julián Valverde en Sabarís, e a rúa Carabela Pinta en Baiona cunha limitación de 1 hora de estacionamento en ambos casos, pero coa diferencia en que na rúa Baionesa esa limitación non terá efecto durante os fins de semán, mentres que en Sabarís non haberá excepcións.
A asociación de empresarios COEMSA de Sabarís, Asoc. Encaixamos Val Miñor, AVV Castro Laderia pediron durante o período de alegacións a nova ordenanza que a limitación de estacionamento non tivese efecto durante os domingos e festivos dado o perxuizo que supón para visitantes como para residentes. Pero o concello só adoptou esta salvedade para o caso da rúa do centro baionés.
O control do cumprimento do estacionamento será levado a cabo pola Policía Local, que xa intensificou os controis durante estes días, no que algúns xa bautizaron como o "BAIdeMultas" en alusión á cita gastronómica.
O goberno local rexeitou a proposta de utilización dos discos da hora utilizados en concellos como Tui ou A Guarda, onde os usuarios establecen a hora de chegada e un comrpromiso de saída que soen cumrprir sen que teña que mediar policía ou empresas externas para o controla da famosa ORA.
As grandes superficies poderán abrir todos os domingos de xullo e agosto.
Así o acordou o goberno local, onde as áreas comerciais de más 300 m2 poderá abrir as súas portas todos os domingos de xullo e agosto. Para o BNG esta decisión vai perxudicar ao pequeno comerzo xa que a medida só abarca ás grandes superficies actuais que son Eroski e Carrefour. Manifestan que a propia asociación de empresarios ACEBA amosaron o seu descontento sobre a decisión. Para o goberno municipal a liberalización será beneficiosa para os comerciantes.
Galardóns e distincións de honra da vila.
O pleno aprobou tamén a relación de nomes para as distincións de lazos de honra, Carabela d'Ouro, e nombramento do fillo Prefilecto da Vila. Tamén acordou o bautizado da nova estación marítima. O BNG denuncio tamén a actitude "antidemocratica" do goberno popular "logo de non consensuar coa oposición ningún dos nomeamentos".
O mercadillo de Sabarís retornou á Rúa Julián Valverde.
O tradicional mercadillo de Sabarís volveu á Rúa Julián Valverde logo dun ano do seu traslado provisional á Ladeira. O remate das obras de humanización na rúa céntrica de Sabarís permitiron que os postos de venda puideran abrir esta mañá nos lugares adxudicados polo Concello de Baiona. A nova instalación do mercado trouxo algunhas modificacións no que respecta aos lugares de aparcadoiro para os feirantes, así como unha nova localización nalgúns postos que non se presentaron ou chegaron tarde á convocatoria realizada semanas atrás pola administración local.
O BNG denuncia a festa anual para maiores de Baiona como un acto caciquil e “de inserción relixiosa”.
-Os concelleiros do BNG non concorreron ao xantar para maiores organizado polo alcalde de Baiona.
Acusan ao alcalde Jesús Vázquez Almuíña de quebrar o principio de Estado aconfesional ao programar unha misa católica nos actos oficiais do "xantar para maiores" organizada pola Concellaría de Benestar que dirixe persoalmente. Agregan os nacionalistas que a pesar do interese dos comensais pola xornada gastronómica, "son tempos de dificultades", e o investimento para este agasallo a 600 persoas é un "despropósito", en tempos onde os servizos sociais de Baiona ten cada día máis demanda.
O BNG estuda impugnar o Pleno Extraordinario celebrado en Baiona
O BNG anuncia que ten a estudo a impugnación do derradeiro pleno celebrado o pasado 22 de maio. Os nacionalistas sinalan que o alcalde Jesús Vázquez Almuíña tería violado a Lei de Bases de Réxime Local ao impedir o ingreso a sala do público que manifestaba o seu rexeitamento á estafa das preferentes.
Comerciantes de Sabarís denuncian a chegada doutro luns coa rúa Julian Valverde pechada ao tráfico.
A rúa Julián Valverde espertou outro luns pechada ao tráfico de vehículos. A avaría da nova estación de bombeo segue sen atopar o debido arranxo e os comerciantes deben asumir unha xornada máis de perdas ante a ausencia de viandantes pola zona. Mentres o tradicional mercado se mantén afastado da rúa céntrica –por case un ano polos devanditos traballos de humanización – decenas de pequenas empresas resignan os ingresos que os días luns acadaban pola concentración de clientes que visitaban as instalacións.@Stabri #BaideTapas por Baiona e Sabarís
O boneco viaxeiro 2.0 que leva percorrido medio mundo, pasará estes días por Baiona e Sabarís para catar o Bai de Tapas 2013.
Medra o malestar nos comerciantes de Sabarís ante un novo peche da Rúa Julián Valverde.
"Os setes meses xa son once", protesta Pilar Loperena, presidenta de COEMSA, a asociación dos comerciantes de Sabarís, en relación aos traballos de humanización sobre a Rúa Julián Valverde. Sinala que a principal arteria comercial da localidade volve ser obxecto dun novo peche por obras de reparación dunha bomba de extracción de recente colocación. A imposibilidade da circulación pola zona preocupa aos comerciantes pois xa leva dous semanas e arrestora non recibiron ningunha comunicación oficial que informe sobre a data ou duración da intervención.
As probas confirman que a meniña de Belesar morreu por meninxite bacteriana
As probas analíticas realizadas á nena de 12 anos de Belesar que faleceu hoxe no Hospital Xeral de Vigou, onde ingresou o pasado sábado en estado moi grave, confirmaron que se trata dun caso de meninxite bacteriana, segundo fontes sanitarias ainda que precisaron que non se pode falar de brote da enfermidade, xa que os datos estatísticos da comunidade galega presentan varios casos ao ano.
JPAGE_CURRENT_OF_TOTAL
