O Xornal do Val Miñor. Baiona, Nigrán, Gondomar

"Gong", a primeira cicloxénese explosiva deste ano chega a Galicia con fortes ventos e choiva.

Meteogalicia mantén o nivel de alerta vermella para a costa, con ventos de compoñente norte con forza 10 e 11 con refachos superiores aos 90-100 km/h.

Durante a xornada do sábado, Galicia estará na influencia dun centro de baixas presións moi profundo situado sobre a península Ibérica. Deste xeito, continuaremos con ceos anubrados e precipitacións, máis fortes canto máis ao norte, ocasionalmente treboentas e acompañados de sarabia. Os ventos soprarán do norte, fortes, con intervalos moi fortes durante a mañá, tendendo a amainar pola tarde.

Esta predición complica a situación de Gondomar, que hoxe volve a estar asulagado polo desbordamento do río Miñor, xa que a previsión de precipitacións para mañá é de 40L / m²

Previsión para o domingo

Para o domingo seguiremos baixo a influencia do paso do sistema frontal de baixas presións. Deste xeito, os ceos estarán anubrados a primeiras horas, con chuvias dispersas e ocasionais, e iranse cubrindo co avance do día, con chuvias frecuentes e xeneralizadas durante a tarde. A cota de neve oscilará entre os 1000 metros da mañá e os 1300 metros da tarde, diminuíndo novamente pola noite ata 1000 metros. As temperaturas quedarán sen cambios significativos ou descenderán puntualmente as mínimas. Os ventos soprarán moderados de compoñente oeste, con intervalos fortes no litoral, rolando a noroeste cara a noite.

Dim lights Embed Embed this video on your site