Tres días de loito oficial en toda Galicia polo falecemento do ex presidente da Xunta, Manuel Fraga Iribarne.
A Xunta de Galicia acordou decretar tres días de loito oficial en toda a autonomía polo falecemento do ex presidente Manuel Fraga Iribarne. Aos 89 anos, Fraga foi vítima dun fallo cardíaco na noite do pasado domingo 15. O velorio terá lugar no seu domicilio de Madrid. Os restos do político galego serán soterrados este martes 17 de xaneiro en Perbes, no concello de Miño (A Coruña)
A Xunta de Galicia comunicou que porá a disposición de todas aquelas persoas que queiran expresar o seu pesar polo falecemento de Manuel Fraga Iribarne dous libros de condolencias. Mañá martes, estará a disposición dos cidadáns, no Pazo de Raxoi e en San Caetano, desde as 09,00 horas ata as 17,00 horas.
O titular do Executivo galego, Alberto Núñez Feijóo, avanzou, esta tarde, que o vindeiro sábado se celebrará un funeral na Catedral de Santiago a iniciativa da Xunta de Galicia en memoria do falecido.
