O desfile-concurso terá lugar o próximo domingo, día 10 de febreiro, a partir das 16.00 horas e contará coa presenza do dúo Azar que será o encargado de presentar e amenizar o evento. O pregón deste Entroido 2013 correrá a cargo do actor Cándido Pazó.
-O desfile- concurso contará con 15 comparsas
A Casa da Cultura de Gondomar acollerá, mañá martes ás 20.00 horas, a reunión previa que manterán o concelleiro de Cultura e Festexos, Ignacio Troncoso e a Policía Local cos representantes das comparsas participantes no Desfile de Entroido.
O obxecto de dita xuntanza será o de informar as comparsas sobre o recorrido a seguir, así como o de definir a orde de saída de cada unha delas.
A Concellaría de Cultura e Festexos agradeceu nun comunicado, a participación "xa que, un ano máis, a cota fixada para a inscrición no Gran Desfile de Comparsas deste Entroido 2013 completouse". Finalmente serán 15 as comparsas participantes.
