Xoves, 14 Nov. 2019

Actualizado12:21:09 AM GMT

Estás en Canais Axenda Nova conferencia do ciclo "75 anos despois" coa presenza do Historiador Domingo Rodríguez Teijeiro.

Nova conferencia do ciclo "75 anos despois" coa presenza do Historiador Domingo Rodríguez Teijeiro.

Correo-e Imprimir PDF
domingo-r-teijeiro-vi

 

A nova conferencia do ciclo 75 anos despois terá como centro a presentación da obra Presos e prisións na Galicia de Guerra e Posguerra (1936-1945), do historiador Domingo Rodríguez Teijeiro.  Unha pescuda que afonda na situación dos cárceres en Galicia nos primeiros anos da ditadura franquista, entre as que se atopan o campo de Concentración do Mosteiro de Santa María de Oia e o Campo de Traballo de Monteferro. A cita é ás 20:30 horas na Capitanía Marítima de Baiona, na Rúa Elduayen Nº 20, 1º andar.

Esta terceira conferencia do ciclo organizado polo Instituto de Estudos Miñoranos e a Comisión Volta dos Nove, toma como base o último traballo de Domingo Teijeiro, desenvolvido neste libro a partir da documentación dos centros de reclusión e de fontes de carácter lexislativo, militar e estatístico, ademais da importante memoria dos presos. O realizará unha ampla reconstrución do proceso de creación do sistema penal franquista e da súa evolución nos primeiros anos da posguerra.

O Autor.

Domingo Rodríguez Teijeiro é Doutor en Historia e profesor de Historia Contemporánea na Universidade de Vigo. Autor de máis de cincuenta traballos, entre os que cómpre salientar Historia de Ourense (coautor, 1996) e Longa noite de pedra no Mosteiro de San Salvador. Represión e reclusión en Celanova, 1936-1943 (1998).