Bota a andar unha campaña de sensibilización para axudar aos medios de comunicación na lingua propia de Galicia.

"Vitaminas para o Galego" é unha nova iniciativa de dez medios de comunicación en lingua galega que bota a andar mañá cunha presentación pública no festival Terr@ctiva en Arzúa. Os organizadores destacan que "se queremos que haxa transmisión xeracional da lingua, é imprescindible contar con medios a usen, a difundan e a prestixien".

Alejandro Martínez, corresponsal de La Voz de Galicia no Val Miñor, sufriu o pasado domingo unha agresión no municipio de Oia cando fotografaba desde a rúa as obras de derrubo da última planta do hotel Costa Verde. Ademais da violencia física e verbal o xornalista denuncia que sufriu danos na súa cámara fotográfica que lle foi arrebatada da súa man.

{plusone}

O PP obtivo a maioría absoluta nos tres concellos miñoranos. Có 100% dos votos escrutados, os populares acadaron o 56,94% dos apoios en Baiona, o 53,84% en Gondomar e o 55,07% en Nigrán . Dos 7 deputados a elexir pola provincia de Pontevedra, o PP leva 4, o PSOE 2 e o restante queda en mans do BNG. Co respecto ao Senado, 3 do PP e 1 polo PSOE na votación provincial. Pola súa banda, o futuro presidente do Goberno Español será o galego Mariano Rajoy, que na súa primeira intervención manifestou a súa vontade de gobernar para todos os españois, sen exclusións máis coa certeza de que “No va a haber milagros tampoco los prometimos”.

Sanidade defende a súa política de asistencia pública e asegura que a mesma "é garantista para os cidadáns que vivan na comunidade, de xeito que as persoas sen recursos económicos suficientes teñan aseguradas en todo momento as prestacións sanitarias." Ante as acusacións vertidas onte pola CIG, que aseguraban unha limitación na cobertura de saúde para as persoas dadas de baixa pola Seguridade Social, Sanidade emitiu un comunicado público onde afirma que pola contraria, a nova política sanitaria autonómica facilita que estas persoas o seu dereito "de forma continuada á asistencia sanitaria pública sen ter que estar tramitando o recoñecemento cada vez que comezan a traballar."

Finalmente a dirección provincial do PP decidiu facer un mitin conxunto das agrupacións miñorás. O mesmo terá lugar o vindeiro venres 18 de novembro ás 20:30 horas no pavillón de deportes de Gondomar. A presentación das candidaturas e o programa electoral estará a cargo dos dirixentes Agustín Hernández,Conselleiro de Medio Ambiente, Territorio e Infraestruturas, Rafael Louzán, Presidente Provincial do Partido Popular, Irene Garrido, candidata ao Congreso dos Deputados, e os Alcaldes de Baiona, Nigrán e Gondomar, Jesús Vázquez Almuiña, Alberto Valverde e Fernando Guitián, respectivamente.

Os propietarios dos cabalos salvaxes non terán da súa parte á Consellería de Medio Rural no canto do seus reclamos para eximir aos équidos nesa condición da obriga de colocarlles o microchip. O conselleiro da carteira, Samuel Juárez , deixou clara a súa posición onte na Coruña, tras manifestar que "o valor natural, social, económico, cultural ou mesmo etnográfico do cabalo de monte non exime á Consellería de cumprir a normativa europea sobre identificación de animais a través do seu correspondente dispositivo de identificación (microchip)".

"Ningún destas grandes formacións apostou polos poucos medios que aínda existen en galego para publicitar a campaña electoral." Así conclúen o seu informe os colegas de Galicia Confidencial, sobre a conduta publicitaria dos tres grandes partidos de Galicia de cara ás eleccións xerais do 20-N. O artigo, publicado na edición de hoxe, salienta que "A negativa a meter anuncios electorais en medios en galego sorprendeu a militantes do PSdeG e do BNG. Os dous cargaron contra a Xunta pola evidente falta de apoio aos medios na lingua propia, mentres o Goberno segue a repartir millonarias axudas a dedo entre as cabeceiras en español. "