-Eladio Costas, concelleiro de Tráfico e Seguridade Cidadá, afirma que existe un desfase na ordenanza actual

-As entradas no Punto Limpo (Vincios) incrementáronse nun 9% no último ano.

- O concelleiro Francisco Ferreira lamentou que "o alcalde desaparece dos carnavales e vaise a gozalos a Ourense", así como que por catro días o Concello quedou " paralizado sen que se puidese mover un papel".

-"Todos os gondomareños incluídos os concelleiros do seu propio goberno descoñecían o paradeiro do seu alcalde", denuncia Ferreira.

A empresa EPTISA recibiu de parte do Concello as propostas e achegas formuladas durante a rolda de consultas mantidas polo alcalde Fernando Guitián cos grupos da oposición. O concelleiro de Urbanismo, Carlos Lameiro, afirma que os técnicos "reaccionaron positivamente ante as propostas, aínda que hai que esperar para coñecer o resultado final". Nos vindeiros días, os técnicos redactores estudarán as iniciativas achegadas para determinar "cales delas poden ser trasladadas ao documento final, e cales, pola contra, se verán fóra do proxecto", sinalan dende o Concello.

Un estudo encargado pola empresa de autobuses Melytour sinala a existencia de 21 puntos negros de grande perigo entre as parroquias de Couso e Morgadáns pasando por Peitieiros. O devandito informe encargado pola concesionaria, é uns dos argumentos fundamentais co que a xerencia pretende obter que se acurte a ruta (PO 341) no plan de reestruturación actualmente a estudo da Dirección Xeral de Mobilidade, segundo informan os colegas de VIARTV de Vigo.

-Ás 19:30 horas deste mércores Gondomar terán lugar dous enterros, o primeiro a cargo dos veciños de Chaín que desenvolverán o tradicional Enterro da Sardiña acompañado pola lectura do testamento. A continuación, os aforristas afectados pola venda de accións preferentes e débedas subordinadas das caixas galegas, escenificarán o "Enterro dos seus aforros" a través da queima dun ataúde e a lectura dun pregón. Os actos terá lugar fronte á praza da Paradela.

A concellaría de Medio Ambiente de Gondomar anunciou que están a trámite un conxunto de oficios co fin de obter novos colectores de lixo para o municipio. As solicitudes foron presentadas ante a Xunta de Galicia, a Deputación de Pontevedra e a asociación Ecovidrio, segundo informou o concelleiro responsable Juan Carlos González.

-Adianto do vídeo informativo cos incidentes no Pleno que están a elaborar os colegas de Gondomar.tv

A berros e pitos os colectivos que acollen aos cidadáns afectados polas preferentes de NGB e mais un grupo de veciños en situación de desemprego no Val Miñor interromperon a sesión do Pleno de Gondomar cando ían corenta minutos da sesión. O alcalde Fernando Guitián baixou do esceario do Auditorio Lois Tobío, onde se sitúa a mesa, para conversar cos manifestantes os cales lle comunicaron que non deterían a "sonora" protesta. Ante a imposibilidade de manter o normal desenvolvemento do Pleno a sesión foi suspendida.