Gondomar volveu ser fiel a unha das súas tradicións máis arraigadas, a celebración do Corpus Christi, amencendo este domingo cuberta de alfombras florais confeccionadas durante toda a noite polos propios veciños. En total foron 700, os metros cadrados cubertos por estes mantos florais.

-O Concello de Gondomar recibe un inventario da súa rede de saneamento elaborado pola empresa Espina e Delfín, co obxectivo de coñecer o "estado das instalacións", tanto dos colectores coma das vivendas, "conectadas e non conectadas" do municipio
-Con estes datos como base, o grupo municipal anuncia que redactará unha ordenanza co fin de regular as conexións á rede e o pagamento da taxa de rede de sumidoiros
En medio da polémica desatada no municipio polas intervencións nas redes de saneamento, a alcaldía de Gondomar prepara unha nova ordenanza que regulará as conexións a rede así como o pagamento da taxa. Para iso, encargou un informe á empresa concesionaria Espina e Delfín, na que consta un inventario das "vivendas conectadas e non conectadas" á rede do concello.

A Asociación ecoloxista A Groba denuncia nun informe que o funcionamento da fosa séptica que estase a construír nas beiras do río Miñor en Gondomar terá un grave impacto ambiental no enclave. O colectivo sinala que a intervención, acometida por Augas de Galicia e o Concello de Gondomar, sitúase onde estaba previsto que partise o paseo peonil Gondomar – A Ramallosa, se elevará tres metros sobre a beirarrúa, ocupando un espazo verde público e de protección de ribeiras. Os ecoloxistas únense á convocatoria dos veciños da urbanización As Garzas para concorrer masivamente ao pleno municipal do 6 de xuño ca fin de amosar o rexeitamento ás obras.

O proxecto figura na páxina web dunha das empresas de enxeñería que participan no proxecto e que tería a mesma superficie que o tanque de tormentas construído no centro de Gondomar de 1000m^3.

Veciños e ecoloxistas fan un chamamento para acudir ao próximo pleno do 6 de xuño onde se tratará o tema.

Os veciños de Gondomar que están a traballar arreo cara ás festividades do Corpus atópanse coa dificultade da falla dunha cantidade suficiente de flores. A falta de materia prima "podería levar consigo problemas á hora de confeccionar as alfombras", sinala o concelleiro de Cultura, Ingacio Troncoso, quen fai un chamado a todos aqueles veciños que teñan flores, para que colaboren coas agrupacións "que tan duramente están a traballar estes días para que todos poidamos gozar o domingo das tradicionais alfombras florais do Corpus".

- A Consellería de Medio Rural e o Concello de Gondomar instalan trampas en diversos puntos do termo municipal para o control da praga

O concelleiro de Medio Ambiente, Juan Carlos González Camesella informa que o obxectivo é realizar capturas masivas deste insecto co fin de evitar a súa dispersión e poder erradicar a praga. Por outra parte, a concellería pretende que estas trampas permitirán detectar a presenza do Picudo en zonas nas que aínda non fose detectado.

Un dos semáforos retirados encontrábase no barrio de Fontán en Mañufe, en fronte do supermercado Froiz, e segundo a administración local " impedía a utilización dunha praza destinada ao aparcadoiro". O segundo, estaba situado na rotonda coa circunvalación á Avenida da Feira.

Antonio Araújo Quintas, en nome dos cinco concelleiros nacionalistas (ANOVA) de Gondomar esixe explicacións ao goberno local e Augas de Galicia sobre a fosa que se está a construír na confluencia dos ríos Miñor e Zamáns á altura das vivendas de As Garzas.