O Concello de Gondomar retira dous semáforos da rúa Elduayen por inútiles.
Un dos semáforos retirados encontrábase no barrio de Fontán en Mañufe, en fronte do supermercado Froiz, e segundo a administración local " impedía a utilización dunha praza destinada ao aparcadoiro". O segundo, estaba situado na rotonda coa circunvalación á Avenida da Feira.
A administración local asegura que a retirada dos mesmos "non repercutirá na seguridade viaria", xa que ambos os dous "tan só dispoñían da función de ámbar intermitente e estaban inutilizados hai varios anos".
A actuación levouse a cabo pola Concellaría de Seguridade e Tráfico en colaboración con persoal de Vías e Obras do municipio.
