O mal estado no que se atopan moitas rúas e camiños de Gondomar obrigan "á Concellaría de Vías e Obras a destinar gran parte dos seus orzamentos á reparación dos vellos colectores e das fochas en detrimento de posibles novas obras", sinalan dende o Concello. "O investimento neste tipo de actuacións pode ir desde os 3.000 ata os 9.000 euros, sen contar o seu mantemento anual", agregou o concelleiro responsable da área, Jesús Salgueiro.

-Os concelleiros nacionalistas de Gondomar (ANOVA) comprometeron ao alcalde Fernando Guitián á apertura social do debate durante unha xuntanza informativa mantida este xoves.

-Segundo o compromiso asumido, abrirase un período non menor a dous meses paras que os grupos veciñais poidan informarse, estudar o plan e plantexar suxestións, a unha redacción do PXOM que os nacionalistas cualifican como baleira dun modelo e máis como para "saír do paso" .

A Plataforma Gondomar de afectados polas preferentes e subordinadas anuncia na súa páxina en Facebook, que o Concello "pagará" un autobús para que todos aqueles que quieran participar da manifestación en Santiago podan facelo de xeito gratuíto. A información ven incluída na convocatoria a participar en dito evento, que terá lugar o vindeiro sábado 2 de febreiro.

Operarios de Augas de Galicia procederon a retirar catro árbores caídas durante as enchentes dos ríos Miñor e Zamáns que cruzan Gondomar. Pola súa banda, o Concello de Gondomar informa que unha vez remate a época de choivas continuarán as tarefas de adecuación que incluirán tanto, a roza dos restos vexetais que poidan entorpecer os cursos das augas como a retirada de residuos acumulados nos marxes.

A Plataforma Gondomar de afectados polas preferentes e subordinadas recibiu o pasado domingo o apoio dos xogadores do Gondomar Fútbol Club que saíron ao campo de As Gaiandas, vestidos coas camisetas que habitualmente utilizan os veciños nas súas xornadas de protesta. A escuadra gondomareña aprontábase para disputar o partido ante o Ponte Ourense, ao que finalmente venceu cun contundente 7 a 1.

Cada vez que as xornadas de choiva enchen a canle do Miñor o medo a unha posible desfeita arrepía a veciños e comerciantes da vila condal. Afortunadamente, esta xornada non provocou vítimas nin danos materias de importancia, segundo confirmou o alcalde Fernando Gutián. O rexedor ten disposto un retén permanente para emerxencias coa policía local e operarios de Vías e Obras que ata o momento desta publicación non lle tiñan comunicado ningún incidente grave. Nembargante, veciños dos barrios de Fontán, Mañufe e a zona da praza de abasto -lugares de habitual inundación- non deixaron de controlar o estado do río.

A vinte anos da súa habilitación como Casa da Cultura municipal, o edificio foi remodelado en boa parte das súas estruturas cun orzamento de 12 mil euros. Os traballos foron desenvolvidos en su meirande parte por persoal do Concello, agás a colocación dunha tarima flotante feita por unha empresa privada. As obras renovaron as paredes do edificio no que na actualidade funcionan a Oficina da Cultura, a Oficina de información xuvenil (OMIX), a Oficina da Muller e a de Benestar entre outros servizos.

Un grupo de clientes vítimas da estafa das preferentes/subordinadas das caixas galegas interromperon este martes o percorrido que o conselleiro Agustín Fernández facía coas autoridades municipais por mor das obras de saneamento en Gondomar. Parte dos afectados que actualmente ocupan o edificio do Concello saíron do peche co fin de esixirlle a Fernández que atopara cos seus compañeiros de goberno unha solución política ao "curraliño" no que as financeiras deixaron os seus aforros. O alcalde de Gondomar, Fernando Gutián, intercedeu na conversa que por momentos subía de ton, para pedirlle ao conselleiro que en nome dos seus veciños fixesen o posible por axilizar unha solución ao problema.