José Luis Vilar (karting), Marta Canella (baloncesto), Iñaki López (piragüismo) e Carmen Rodríguez (atletismo) foron os catro deportistas galardoados na I Gala do Deporte de Baiona. A ceremonia celebrada este sábado no Auditorio V Centenario congregou a centos de deportistas da bisbarra e público en xeral, os que encheron as súas instalacións. O evento, organizado pola Concellerías de Deporte e de Actividades Marítimas, contou coa presenza dos tres alcaldes do Val Miñor, o presidente da Deputación,Rafael Louzán e representantes de entidades deportivas públicas e privadas.

As familias numerosas deberán presentar durante o mes de xaneiro unha solicitude ante o Concello de Baiona, a fin de acollerse o 15% da bonificación, establecida na normativa que regula a taxa por prestación de servizo de abastecemento de auga.

O Parador de Baiona, e os 92 paradores nacionais repartidos por toda a xeografía española, poderían pasar a mans de capital privado.

O Goberno Central ten previsto estudar a posible entrada de capital privado na rede de Paradores Nacionais, aínda que é unha decisión que aínda non está tomada, o ministro de Industria, Enerxía e Turismo, Jose Manuel Soria indicou que se está a estudar a proposta.

O Concello de Baiona está a desenvolver un plan de substitución da rede de saneamento no casco histórico da vila. As actuacións concéntranse no cruce da Rúa Herminio Ramos, a Porta da Vila e Santísima Trinidad. Por mor disto as vías quedarán pechadas ao tráfico rodado e prohibido o estacionamento. A prohibición se estenderá ata o vindeiro día 20 de xaneiro.

Baiona foi o segundo principal destino elixido polos pasaxeiros dos cruceiros que desembarcaron no porto de Vigo no 2011 e decidiron tomar unha excursión. O dato foi comunicado pola Autoridade Portuaria de Vigo, no seu informe anual e tomando como fonte ás propias empresas navieiras. A cifra de turistas que chegaron por este medio á Vila Real foi próximo aos 12.200.

A súas maxestades tamén estarán presentes na gran cabalgata organizada polo concello de Baiona onde se repartirá unha tonelada de caramelos.

Ás 17 h. sairá da Urbanización Ponte Romano en Sabarís e as 18 h. fará o mesmo dende Santa Marta. A Cabalgata terminará na entrada do Parador, onde as súas maxestades recibirán a todos os nenos e nenas que se acheguen.

O vídeo-denuncia deste percebeiro de Baiona percorreu onte as redes sociais de xeito viral, chegando ás 500 visualizacións en apenas 2 días. Este percebeiro de Baiona denuncia a precaria situación e a desesperación por mor do furtivismo que arrasou con toda a campaña de Nadal. Os percebeiros denuncian a falta de control por parte da administración, que incluso "os incita a que eles mesmo fagan o labor de vixilancia e denuncia", unha situación que manifestan "incita ao enfrontamento ou incluso á violencia". 

A crise do percebe en Baiona.

A crise do percebe ne Baiona supón o afundimento da Confraría de Pescadores "A Anunciada". Así o manifestaban os membros do cabildo en declaracións á prensa o pasado 3 de decembro, xa que a acción do furtivismo sen vixiancia durante os últimos cinco meses reduciu drasticamente a presenza de percebe na costa miñorá e de Oia. Os percebeiros dan por perdida a campaña de Nadal,  no que o ano pasado chegaron a facturar 119.719 euros no mes de decembro onde a poxa do percebe supón o 60% da facturación total da Confraría. 

A un promedio de 2.875€ por m2, Baiona é o concello máis caro á hora de mercar vivenda de segunda man en Galicia. O dato xurde dun estudo elaborado a partir dos valores de mercado no mes de novembro polo IESE Business School  e recentemente publicado polo portal inmobiliario Fotocasa.es . A cifra toma maior relieve se a comparamos cos 2.627€ que vale o m2 no concello da Coruña, nomeadamente o seguinte de maior custe no territorio autonómico.