Tres manifestos circulan dende hoxe por todo Sabarís e Baiona pedindo a suspensión das obras de humanización na céntrica rúa Julián Valverde. Os afectados, veciños, comerciantes e usuarios, solicitan ao Concello de Baiona o aprazamento das mesmas ata despois de rematada a estación estival.
Ciencia e tecnoloxía - Val Miñor
COEMSA solicitará o aprazamento do inicio das obras en Sabarís para non perxudicar ao comercio e as empresas
O concello de Baiona comunicou onte informalmente a varios representantes de COEMSA, a Asociación de Comerciantes e Empresasarios de Sabarís, o inicio dentro de 10-15 días, das obras de humanización da rúa Julián Valverde, a rúa principal de Sabarís.
COEMSA considera que o peche da rúa e as obras durante todo o período estival, os meses de máis afluencia de turismo, van supoñer un duro varapalo á economía maltreita dos comerciantes e empresas da zona que se atoparán con difucultades e atrancos nos accesos a casas e comercios.
"Bai de Tapas" acada as 10 mil tapas servidas nos primeiros 15 días da campaña.
"Máis de 10 mil tapas servidas, é o resultado dos primeiros 15 días do concurso "Bai de Tapas" según os datos dos organizadores, Concello de Baiona e Asociación de comerciantes local ACEBA. A cifra foi cualificada como un "éxito", pola concelleira de Turismo, María Iglesias, quen salientou que a "elaboración de las tapas, su calidad y su presentación, está sorprendiendo a todo el público participante, que valora positivamente esta iniciativa".
Baiona "Bai de Tapas" ata o 20 de maio
O Concello de Baiona, en colaboración coa Asociación de Comerciantes e Empresarios (ACEBA), celebrará a partir do 19 de abril a primeira edición do Concurso de Tapas de Baiona "Bai deTapas".
O pleno de Baiona aprobou os orzamentos para 2012 e a recuperación do aparcadoiro do Aral.
Cos votos negativos do PSOE e o BNG, o Concello de Baiona iniciará a recuperación da xestión do aparcadoiro subterráneo do Areal. Así foi decidido no pleno celebrado no día de onte na Casa Consistorial, onde tamén foron aprobados os orzamentos xerais do 2012 por un total de 8,24 millóns de euros, dos cales 1,100 serán destinados a Investimentos.
Presentan no Concello de Baiona 1.454 sinaturas a prol dunha ludoteca no Burgo.
A recollida de sinaturas a prol da instalación dunha ludoteca nas vellas instalación da Escola Municipal do Burgo, acadou 1.1454 firmas que foron entregadas este mediodía no Concello de Baiona. A campaña xurdiu a partir dunha decisión do pleno municipal que quería converter a escola recentemente pechada, nun centro de lecer e ocio veciñal.
Máis de 30 persoas iniciaron o seu primeiro curso formal de ensino da lingua do país en Baiona.
Máis de 30 persoas iniciaron o curso CELGA nivel 1 nas instalacións do Centro Multiusos Angel Bedriñana, co fin de obter unha primeira achega de ensino formal da lingua do país. O curso está organizado polas Concellerías de Traballo e Educación do Concello de Baiona en colaboración coa Secretaría Xeral de Política Lingüística da Xunta de Galicia.
Veciño de Baredo detido como presunto autor dun incendio forestal.
A Policía autonómica detivo na parroquia de Baredo, en Baiona a un home como presunto autor dun incendio que afectou a 7.000 metros cadrados de monte. Segundo as autoridades, o incendio iniciouse por unha queima de lixo "sen adoptar as medidas de seguridade". Para extinguir este incendio foi necesaria a intervención dos servizos de extinción da Xunta de Galicia.
O Concello de Baiona e a Fundación Mafre montarán un circuíto de Karts para o ensino da seguridade viaria.
O Concello de Baiona, en colaboración coa Fundación Mafre, organizará "A Caravana de Educación Viaria", a través da cal os colexios, asociacións culturais e deportivas con públicos infantís recibirán formación e concienciación en materia de seguridade viaria. Co fin de levar a cabo esta actividade, o alcalde de Baiona, a concelleira de Educación e o responsable da Caravana da Fundación Mafre, José Antonio Branco asinaron un convenio de colaboración que permitirá a instalación dun aula totalmente equipada con medios audiovisuais e un circuíto de Karts de 1000 metros cadrados, todo iso orientado a nenos de entre 9 e 12 anos, alumnos de 4º, 5º e 6º de primaria.
JPAGE_CURRENT_OF_TOTAL
