Veciño de Gondomar detido por presunto roubo de xoias en varias fincas da bisbarra.
Foi detido pola Garda Civil un mozo afincado en Gondomar, tras varias denuncias de roubos en varias propiedades do Val Míñor, ás que ingresaba na súa calidade de pintor. O mozo, de 22 anos e identificado como S.P.M, presuntamente aproveitaba os seus traballos como empregado dunha empresa de servizos de mantemento para levar xoias dos donos das fincas.
Segundo fontes consultadas, o mozo subtraía os obxectos en pequenas cantidades co fin de non levantar sospeitas. A Garda Civil localizou as mesmas en diferentes establecementos de compra de ouro da zona. As investigacións continúan abertas e non se descarta que poidan imputarlle máis delitos deste tipo, ademais dos dous casos investigados.
O detido atópase en liberdade coa obrigación de presentarse no xulgado de instrución número tres de Vigo cando sexa requirido.
