A vila mariñeira de Carril (Vilagarcía de Arousa), será a sede do X Encontro de Embarcacións Tradicionais de Galicia que se desenvolverá entre o 30 de xuño e o 3 de xullo de 2011. O Val Miñor estará representado polo Instituto de Estudos Miñoranos a través da súa Sección Marítima. O evento está organizado pola Federación Galega pola Cultura Marítima e Fluvial(FGCMF), da que forma parte o Instituto de Estudos Miñoranos.
A ianuguración terá lugar o xoves 30 e ese día se organiza unha cea na carpa da organización
Comer no X Encontro.
Cada comida ou cea costará 6 euros. Haberá ademais dous bonos, un de 10 euros que cubrirá a cea e comida das xornadas previas en Vilaxoán, e outro de 30 euros que cubrirá as seis comidas e ceas do Encontro en Carril.
Na web do IEM atópase o programa de actividades do Encontro.