As firmas presentadas contrastan coas anunciadas polos insteresados nos proxecto que falaban de ter nas súas mans 7000 firmas. Unhas firmas cheas de controversia e que sentaron malestar entre os veciños cando viron que varios rapaces menores de idade foran mandados porta por porta polo municipio para este cometido.
Vai de firmas
Se por firmas se poidese medir a preocupación nun asunto para o pobo de Nigrán, este razoamento non foi aplicado na entrega das máis de 9000 firmas feitas polo colectivo Salvemos Monteferro fai dous anos onde lle pedía ao ex-alcalde Alfredo Rodríguez a retirada dun proxecto que supuña rematar co último recuncho verde da costa. A parte de permitir unha recalificación na Finca do Rapón para a instalación dun hotel.
Salvemos Monteferro non recibiu por aquela resposta ás 9000 firmas adxuntas a un concienzudo proxecto alternativo redactado por biólogos e enxeñeiros forestais, ainda que a ilegalidade da actuación e a presión do colectivo rematou desbaratando as pretesións do por aquel entón goberno popular, que non tivo máis remedio que retirar o proxecto licitado dende a Diputación de Pontevedra.