Logo de pagar máis de 400 mil euros en 2011 por concepto de gasto en electricidade, o Concello de Gondomar modifica 21 contratos de máis de 10KW de subministración eléctrica colocándoos no mercado libre. A medida forma parte dun plan de aforro enerxético e económico que está a desenvolver a Concellaría de Medio Ambiente, segundo anunciou o seu responsable, o concelleiro Juan Carlos González, a través dun comunicado.
Por outra banda, González sinalou que a medida permite ao Concello adaptarse á nova Lei 17/2007 do sector eléctrico e "evitar ser penalizado pola facturación a través dunha distribuidora e non dunha comercializadora, tal e como establece a normativa".
Nese senso destacou a "boa relación que o Concello mantén con Gas Natural-Unión Fenosa", o que permitira desenvolver esta xestión. Agregou que esta é "outra medida de aforro complementaria ás que xa se están a levar a cabo dende o servizo de electricidade do Concello".
Finalmente agregou que o obxectivo da súa administración é "optimizar os recursos e evitar o derroche enerxético, xa que o custo da electricidade supuxo para o Concello o desembolso de máis de 400.000 euros en 2011".