O BNG denuncia ao goberno de Gondomar por non pagar as axudas ao fogar.
Pauliño del Río Iglesias, portavoz do BNG de Gondomar acusa ao goberno tripartito de Gondomar dunha débeda de mais de 21.000 euros ás institucións que prestan os servizos de Axuda a Domicilio e Axuda no Fogar. O concelleiro agrega que a Consellería de Traballo e Benestar da Xunta anticipou o ingresou do 100% da subvención na conta do goberno municipal ao momento do seu outorgamento.
“Ata o mes de xuño deste ano este servizo foi prestado como en anos anteriores pola Cruz Vermella. Dende ese mes a concesión foi outorgada polo transgoberno á empresa Eulen Servicios Sociosanitarios”, informou del Río e agregou que “A punto de rematar o ano resulta que este goberno de tránsfugas e puferos débelle á Cruz Vermella os meses de febreiro e abril deste ano. Un total de 7.000€ correspondentes 3.6787.72 € de abril e outros tantos de febreiro. Á nova empresa (Eulen) lle adebedan os meses de agosto, setembro, outubro e novembro, de momento, é dicir dende o mes de xullo esta sen pagar estes servizos. Máis de 14.000€.”
O edil afirma que con data de rexistro de entrada no Concello de 11 de outubro, se lle concedeu ao goberno de Gondomar unha subvención en concepto de Axuda no Fogar por valor de 17.729,87€. O voceiro do BNG pregunta “Que fixo este transgoberno cos cartos? Por qué non atende ao pago dos servizos máis elementais e necesarios para a provocación?”
A través dun comunicado de prensa o BNG esixe ao goberno municipal “un mínimo de sensibilidade social e do cumprimento das súas obrigas e funcións, e que paguen de xeito inmediato este servizo fundamental na cohesión social do noso Concello"
