Veciños de Chandebrito abren un servizo de asesoramento para trámites ante as administracións públicas. A iniciativa pretende facilitar a recollida de peticións, queixas e suxestións da veciñanza "xa que aínda a día de hoxe, teñen dificultades para chegar ás administracións", segundo a promotora do servizo, a Asociación Veciñal e Cultural "Chandebrito 1807". Esta mediación voluntaria se realizaría de xeito experimental na planta baixa da escola infantil tódolos venres do mes de xullo e agosto (agás festivos) en horario de 17.30 a 18.30 horas.
