Están abertas as inscricións para persoas interesadas en concorrer á XI edición da Feira Internacional de Turismo Termal de Ourense (Termatalia). A saída está programada para o vindeiro 24 de setembro, cun custo de 10€, e inclúe autobús, comida, visita turística de Ourense e máis a entrada e visita guiada pola feira. As prazas son limitadas e o prazo de inscrición remata o próximo mércores 21.
Os interesados deben concorrer de luns a sábados de 10 a 14 horas e de 16 a 20 horas, e os domingos de 10 a 14 horas, na Oficina de Turismo de Gondomar situada no Parque da Feira s/n. Por máis información contactar ao teléfono 986389194.
