Inscricións abertas para participar do I Torneo de Tenis Praia Trofeo Concello de Nigrán.
O Concello de Nigrán abre o prazo de inscrición do I Torneo de Tenis Praia Trofeo Concello de Nigrán Talesport, que se celebrará os próximos días 16 e 17 de xullo na Praia de Panxón. O torneo organizarase en dúas categorías, de 12 a 16 anos e de máis de 16 anos, e os partidos xogaranse por parellas. As inscricións estarán abertas ata o vindeiro venres 15 de xullo, na Oficina de Turismo Dunas de Gaifar, en Panxón. Os partidos comezarán o sábado 16 de xullo ás once da mañá.