-O evento, celebrado no Concello de Gondomar, reuniu a 202 xogadores.
-Durante as xornadas recolléronse máis de 300 quilos de alimentos.
O torneo, que xa fora aprazado a causa da chuvia, levouse a cabo finalmente este sábado día 22 de decembro no Concello de Gondomar dende ás 9:30 dá mañá ata ás 14.30 do mediodía.
A pesares de que a media mañá a chuvia volveu a ameazar a realización do acto, por sorte os participantes puideron continuar co seu xogo e finalizalo con éxito.
A xornada transcorreu nun ambiente agradábel ao longo de todo o evento debido, en boa parte, á paciencia e á empatía de participantes e acompañantes.
Grazas a este torneo, o Club de Tenis de Gondomar conseguiu recadar máis de 300 quilos de comida coa que axudarán a moitas familias desfavorecidas a pasar mellor estas sinaladas festas.