A cúpula da nova xunta directiva do Real Club Náutico de Vigo, elixida o pasado 16 de novembro, reuniuse co alcalde de Nigrán, Alberto Valverde, no Concello de Nigrán. Na mesma os representantes da institución viguesa asumiron o compromiso de traballar coa administración local na celebración de actividades deportivas e de lecer para todos os públicos, e especialmente para os veciños do municipio, segundo adiantaron a presidenta e vicepresidente da mesma, Viviana García e Julio Rodríguez Álvarez.
Nomeadamente, o club que xestiona parte das súas instalacións neste municipio, seguirá adiante coas súas actividades en tenis e pádel. Nese senso, anunciouse a continuidade do torneo de pádel solidario como o celebrado o pasado mes de xuño.
"Este encontro abre unha nova etapa nas relacións entre a administración local e a directiva, que tamén asume a xestión das instalacións do Real Club Náutico de Vigo en Nigrán, e avanzan que a boa relación existente até a data non só manterase senón que mellorará" sinalan dende o goberno local.
