Dentro do programa En clave de conto da campaña Bocaberta da SXPL, o sábado 19 de febreiro o auditorio Lois Tobío de Gondomar acollerá o concerto-espectáculo teatral " A nena e o grilo", baseado no libro-CD homónimo editado pola editorial OQO. O concerto comezará a partir das 12.00 horas e estará organizado por Espazo Lectura.
Este espectáculo vai dirixido ao público infantil e xeral. A entrada será de balde ata completar aforo. O programa En clave de conto completarase o día 25 de febreiro, ás 18 horas, na Biblioteca Municipal cun obradoiro para as familias titulado "Eu falo así".
