O mércores 5 celebrarase a Cabalgata de Reis nas rúas Eduardo Iglesias e Elduayen. A festa dará comezo a partires das 17.00 horas coa actuación da Rondalla da Asociación Cultural A Merced de Chaín.
Ás 18.30 horas chegará a comitiva real, composta por tres grandes carrozas e co acompañamento da Rondalla da A.V.V. Galiñeiro de Vincios e máis de 25 coches clásicos da Asociación de Coches Antigos do Val Miñor. Este coches percorrerán tódalas parroquias desde ás 16.00 horas.
Os nenos poderán saudar aos Magos de Oriente e entregarlles as súas cartas no Pavillón Municipal, lugar onde finalizará o percorrido. En caso de chuvia abundante, adiantarase a chegada dos Magos ao recinto.
Este ano repartiranse máis de 500 kilos de caramelos, aptos para celíacos.