Un poste da luz pendendo dun fío en Belesar
Veciños de Belesar alertan do perigo de derrubo dun poste do tendido eléctrico situado ao carón do parque infantil de Portameán en Medialdea.
Veciños e usuarios do parque reclaman a urxente intervención do Concello de Baiona ante a ameaza que representa esta estrutura afectada na cementación da súa base. Este non é o único inconvinte que presentan as instalacións do parque segundo os comentarios dos seguidores da páxina de facebook Belesar Dixital , hai “caídas a distinto nivel sen protexer, aristas cortantes, postes de madeira no chan que esvaran, columpios en mal estado”, que presentan verdadeiros perigos para os cativos que utilizan este espazo de ocio.
