Gondomar
O pasado domingo 13 de maio, 35 veciños de Gondomar asinaron unha declaración voluntaria de reafirmación da súa galeguidade "fronte un dos momentos máis transcendentes da vida, o da morte", ca manda para os seu herdeiros "da protección do legado cultural e lingüístico de Galicia". Entre outras manifestacións, os asinantes rexistraron o seu pedido expreso de ser lembrados nas súas lápidas cunha inscrición en lingua galega. O acto tivo lugar no marco da iniciativa "En Galego agora e sempre", que desenvolveuse na Entidade Menor Local de Morgadáns.
Gondomar
35 veciños asinan en Morgadáns unha declaración voluntaria para que as súas lápidas sexan en galego.
"En galego agora e sempre". Acto reivindicativo dos dereitos dos galego falantes en Morgadáns.
O vindeiro domingo 13 de maio ás 12 horas no cemiterio de Morgadáns, no barrio da Pedra-Gonda, terá lugar o acto da iniciativa "En Galego agora e sempre". O mesmo enmárcase nunha serie de actividades que se están a desenvolver cara ao fomento e defensa da lingua. Nomeadamente neste caso, a posibilidade que as persoas que así o manifesten podan asinar unha Declaración de vontade de vivir e ser lembrado como galego falante; e unha "Troca das lapides" á lingua galega. No acto estarán presentes Urbano Esmerode Domínguez (Presidente da Entidade Menor de Morgadáns), Xosé Luía Méndez Ferrín (Presidente da Real Academia Galega), Xoaquín Monteagudo Romero (Presidente da Asociación de Funcionarios para a Normalización Lingüística de Galicia) e Carlos Varela García (Fiscal Superior de Galicia).
Os rapaces de Gondomar adiantaron o espírito das olimpíadas nunha xornada de xogos e convivencia.
A Concellaría de Deportes do concello de Gondomar, organizou o día 9 de maio a "I Convivencia Olímpica" para nenos de Educación Infantil. Na mesma participaron 190 nenos e nenas dos centros educativos do concello. A xornada levouse a cabo ao longo da mañá no Pavillón de Deportes, contando coa colaboración do profesorado dos centros, dos clubs deportivos do municipio e persoal da Concellaría.
Gondomar intenta dar solucións ás fincas de Tomada aínda afectadas pola Autoestrada do Val Miñor.
O Concello de Gondomar comezará un estudo sobre a franxa de afección da Autoestrada do Val Miñor (AG-57) a seu paso polo núcleo de Tomada, na parroquia de Borreiros. A medida intenta solucionar os casos de varias fincas deste núcleo con parte das súas infraestruturas dentro da liña de dominio público O municipio, por decisión plenaria, deberá posteriormente incluír solucións a estes casos na redacción do PXOM (actualmente en tramitación), e solicitar as modificación pertinentes ante a Xunta de Galicia.
Desfile de Moda 2012 no Auditorio Municipal Lois Tobío de Gondomar.
A Academia Coser e Crear exhibirá os seus traballos do ano esta tarde no Auditorio Lois Tobío de Gondomar, cun desfile que terá lugar ás 17:30 horas con entrada libre. Vestidos para o día e a noite, roupa para nenas e nenos, así como complementos para bebés –a especialidade da casa-, serán amosados por un equipo de modelos integrados por aboas, fillos e familiares das máis de 30 alumnas que confeccionaron as prendas. O evento será animado pola Academia de Danza Gondomar.
A Deputación de Pontevedra concede unha subvención á Asociación Cultural San Roque de Morgadáns.
A Asociacións Cultural San Roque de Morgadáns recibiu unha axuda da Deputación de Pontevedra por valor de 5.160 euros que se destinará a obras de rehabilitación e mellora da sede.
A rebelión da lectura
Arredor de 500 persoas participaron este domingo 22 de abril, nunha Sentada Lectora convocada por Espazo Lectura na Alameda de Gondomar. O acto, que comezou coa actuación do grupo Migallas, consistiu nunha reivindicación cidadá da lectura con aire festivo e cívico, e finalmente mantívose o ceo despexado a pesar da chuvia inicial.
O BNG de Gondomar recompón o seu Consello Local que encabezará Álvaro Lores Frade.
-O BNG recompón o seu Consello Local en Gondomar o que estará presidido por Álvaro Lores Frade.
A asemblea de militantes reunida onte, ademais de nomear a Lores como responsábel local, tamén elixiu á escritora e militante sindical Marta Dacosta como viceresponsáble, a Bieto Lobariñas na área de organización e Ana Bringas, como responsábel de finanzas.
Espazo Lectura convoca a cidadanía a unha “sentada lectora” na Alameda en Gondomar.
-Trátase dun acto lúdico e reivindicativo con motivo da celebración do Día do Libro
JPAGE_CURRENT_OF_TOTAL
