Os cinco concelleiros nacionalistas -non adscritos- de Gondomar cualifican como unha "visita electoral" a presenza no municipio do conselleiro da Xunta e tamén candidato polo PP de Pontevedra nas vindeiras eleccións autonómicas, Agustín Hernández. A través dun comunicado, sinalan que o titular de Medio Ambiente, Territorio e Infraestruturas, contradíxose ao falar da "inminente aprobación do PXOM , cando el mesmo, o pasado mes de xullo, fixou por medio dunha comunicación oficial ao Concello, a súa aprobación para o ano 2016."

A senlleira Ponte Románica de Mañufe quedará a salvo de posibles intervención na súa delicada infraestrutura, trala modificación do proxecto de mellora da rede de colectores de Gondomar. Así o anunciou este martes o conselleiro de Medio Ambiente, Territorio e Infraestruturas, Agustín Hernández,ao alcalde Fernando Guitián, quen solicitara meses atrás unha alternativa ao plan orixinal que prevía unha perigosa intervención na histórica ponte, así como no Acueduto do Bravo, sobre o río Vilaza.

A Asociación de Mulleres Rurais de Gondomar ven de presentar o calendario de actividades que desenvolverán dende o seu colectivo cara a tempada 2012 - 2013. Son 14 os obradoiros de diversas disciplinas que a asociación ofrece para veciños de Gondomar e bisbarra. Bailes, manualidades, ximnasia e informática son algúns das temáticas a desenvolver que os interesados poderán anotarse ou consultar no teléfono 682074884.

Finalmente e logo de dous anos de reclamacións, recolleita de sinaturas e peticións por parte dos veciños e usuarios da EP-2302 que vai de Gondomar a Morgadáns, a Deputación de Pontevedra presentará un anteproxecto da beirarrúa reclamada, sobre a devandita estrada. Un equipo de técnicos do organismo provincial se fará presente o vindeiro sábado 8 de setembro ás 11h na Casa da Cultura de Gondomar, co xeito de presentar a iniciativa aos veciños, informaron esta tarde dende o Concello.

-A estancia inscríbese dentro do programa 'Vacacións en paz', posto en marcha pola asociación Solidariedade Galega co Pobo Saharaui

-O acto de despedida celebrouse no Parque da Coelleira

-Os rapaces inician a viaxe de retorno ao Sahara o vindeiro domingo.

Un espectáculo de lume a cargo das compañías Al-folk e Confusión e o desfile dun dragón xigante puxo o punto final á I Festa Medieval de Gondomar, un evento organizado pola empresa Fusión Medieval que durante toda a fin de semana reviviu en rúas e prazas do concello a época dos castelos e os cabaleiros a través da artesanía, os oficios tradicionais, a música, o baile e a animación de rúa. A actividade contou coa colaboración da Concellaría de Cultura de Gondomar.

As carencias de servizos nalgúns cemiterios do municipio de Gondomar empezan a ser obxecto de actuacións por parte do Concello. Nese senso, a Concellaría de Medio Ambiente e Servizos anuncia que no que va do 2012 foi proporcionado subministro eléctrico e auga municipal ao campo santo de Donas e electricidade no de San Cibrán, dando cumprimento a reclamos efectuados polas comisións veciñais desas localidades.

Dende que Gonzalo Fernández de Córdoba y Narváez asumiu como o XIII conde de Gondomar en decembro de 2010 as portas do histórico pazo que levantara o seu devanceiro Diego Sarmiento de Acuña (I conde de Gondomar) amosan plena disposición a abrirse a visitas e actividades comunitarias. Audicións musicais e visitas guiadas organizadas polo Instituto de Estudos Miñoranos, o Concello e outras organizacións socias, colocaron novamente ao Pazo do Conde como un enclave de grande atracción para veciños e turistas. Agora, o Concello de Gondomar, a través da Concellaría de Turismo informan que terán lugar visitas guiadas os próximos dous xoves deste mes de agosto.