A Concellaría de Igualdade de Gondomar informa que se amplía o prazo de inscricións para o Gondoverán ata o vindeiro xoves 14 de xuño. Os interesados deberán dirixirse á casa consistorial e formalizar a inscrición por Rexistro Xeral do Concello de Gondomar.

A Concellería de Educación de Gondomar porá en marcha a partir do 1 de xullo e ata o 31 de agosto a Ludoteca Gondomar 2012, dirixida a nenos e nenas do municipio con idades comprendidas entre os 3 e 10 anos. A ludoteca realizarase no aula unitaria de Vilaza, en horario de 09:00 a 14:00 horas. A programación comprende talleres, manualidades, xogos, deporte, saídas e rutas pola contorna, con dinámicas de participación e de aprendizaxe colectiva e individual.

Motivos florais, xeométricos, relixiosos, infantís… Gondomar volveu ser fiel a unha das súas tradicións máis arraigadas, a celebración do Corpus Christi, amencendo este domingo cuberta de alfombras florais confeccionadas durante a noite polos propios veciños. Nenos e adultos non quixeron perderse esta festa a pesar das inclemencias meteorolóxicas e participaron activamente na realización das mesmas.

Ata o 12 de xuño hai tempo para inscribir aos cativos de entre 3 e 12 anos no "Gondoverán" organizado pola Concellería de Igualdade de Gondomar. O campamento que se desenvolverá nas instalacións do colexio Chano Piñeiro, ten un límite de 70 prazas, destinadas a fillas e fillos de traballadores de Gondomar. A actividade desenvolverase durante todo o mes de xullo.

O concelleiro Emilio García Crego (NPC-Gondomar), defenderá o cobro do IBI aos bens da Igrexa Católica no pleno municipal de Gondomar a celebrarse este xoves 7 de xuño. O mocionante sostén que a institución relixiosa "vive nun paraíso fiscal ilexítimo e presuntamente ilegal", onde goza de "enormes exencións fiscais", cando na súa opinión "a cidadanía sofre intensamente as desoladoras consecuencias da asfixiante crise económica".

Os nacionalistas intentarán por segunda vez no ano rebaixar as nóminas dos seis concelleiros do bipartito con dedicacións no goberno municipal de Gondomar. Nesta ocasión aumentan a aposta, e en vez do 50% solicitado en febreiros, agora lles piden un "xesto exemplar de austeridade ante a crise" cunha diminución do 60% dos seus salarios. A redución produciría un aforro próximo aos 100 mil euros anuais, segundo cálculos do concelleiro Emilio García Crego (NPC), que de aprobarse no vindeiro pleno, se destinarían a aumentar as partidas orzamentarias de carácter social.

Tódolos domingos dos meses de xuño e xullo, entre as 10:00h e as 14:30h, permanecerá pechada para o tráfico rodado a Rúa Ángel Urzáiz (desde o cruce con Manuel Alonso ata a panadería Penisco) con motivo da actuación de diferentes actividades musicais na Praza do Concello de Gondomar. O obxectivo desta medida, afirman dende o Concello, " é garantir a seguridade e o goce dos cidadáns que asistan aos actos e o seu óptimo desenrolo así como a correcta circulación de vehículos durante a celebración dos mesmos".

Carmen Fajo Alonso recibiu un ramo dos concelleiros Eladio Costas e Patricia Durán no seu 103 aniversario.