A información era recollida polo xornal La Opinión de Coruña o pasado 9 de xullo de 2012, unha noticia que pese a ter relevancia para o Val Miñor, non traspasou as fronteiras eumesas.
O PSdeG acusou o pasado mes de xullo ao presidente da Xunta, Alberto Núñez Feijóo, de ser o "único responsable" de que a auga vaia a custar en Galicia un 120% máis que en Andalucía, e denunciou que o aumento do custo será do 282% por cento en 22 municipios galegos, entre eles os concellos do Val Miñor.
En rolda de prensa, os socialistas replicaban deste xeito ao conselleiro de Medio Ambiente, Agustín Hernández, que xustificou o canon da auga polas "imposicións da Unión Europea".
Finalmente a Xunta de Galicia decidiu financiar a totalidade da ampliación e mellora da estación de tratamento de auga potable de Nigrán. As obras sobre a ETAP Condomínguez contarán cun orzamento de 1.115.000 euros que disporá o goberno autonómico a través de Augas de Galicia. Así llo trasladou este martes o conselleiro de Medio Ambiente, Territorio e Infraestruturas, Agustín Hernández, ao alcalde de Nigrán, Alberto Valverde. A decisión final a terá o Pleno de Nigrán, quen deberá ratificar o acordo entre as dúas administracións.
O portavoz de UPyD-Nigrán, Jorge Sanromán, responsabilizou nesta xornada ao Concello de Nigrán polo que cualificou como "o lamentable estado xeral" dos parques infantís do municipio, e en particular o que está situado na parroquia de Parada, na rúa Porto do Molle.
