O Concello de Nigrán renovará parte do seu parque de maquinaria destinada á limpeza viaria e recollida de lixo, a través dun acordo coa empresa CESPA, concesionaria do servizo. A operativa foi acordada na comisión de contas do pasado venres, na que se informou que a operación , duns 300 mil euros que investirá CESPA, permitirá a incorporación de tres camións, dez equipos multiusos para limpeza viaria, beirarrúas e superficies verticais, así como novas papeleiras e colectores para o municipio.

A Policía Local de Nigrán detivo na tarde de onte a un home que responde ás iniciais P.L.M., baixo o cal recaía unha orde de procura, detención e ingreso en prisión ditada polo Xulgado do Penal número 3 de Vigo. Esta detención produciuse en coaboración coa Garda Civil, grazas á colaboración dun veciño que informou ao corpo de seguridade local que o detido, xunto con dúas persoas máis, estaba subtraendo un panel informativo municipal na Estrada pola Vía, á altura do restaurante A Costa de Claudia. Na parte traseira do vehículo, a Policía Local incautou unha machada e un bate de beisbol.

O alcalde de Nigrán, Alberto Valverde informou este venres que levará ao pleno de outubro unha modificación de crédito por un valor total de 17.500 euros ca fin de desenvolver obras en distintos eidos do municipio. Nomeadamente, o rexedor proponse mellorar a instalación eléctrica do local do Centro de Información ás Mulleres, rehabilitar o servizo eléctrico á Escola das Nenas e acometer arranxos e a homologación de seguridade do Parque Infantil de Parada.

-Trece colectivos integrantes do Consello Sectorial de Nigrán e mais o PSOE e o BNG piden ao alcalde un mes máis para estudar a documentación cun "clima axeitado", fóra do período electoral.

-Unha primeira análise da documentación do PXOM efectuada polas asociacións veciñais rebela unha cartografía desactualizada na meirande parte dos planos.