Tres colexios de educación infantil e primaria de Nigrán atópanse sen conserxería dende o pasado martes 4 de novembro. O Carlos Casares (Vilariño), Mallón e Cruz-Camos quedaron fóra das adxudicacións para a cobertura deste servizo que brinda un convenio entre o Concello de Nigrán e a Consellaría de Traballo e Benestar da Xunta, segundo informan fontes da comunidade educativa deses centros. Engaden que a ausencia dos conserxes está afectando a posta en funcionamento cotiá das aulas como a atención e vixilancia dos cativos. Salientan que a estes centros concorren crianzas de tres anos en diante que requiren dunha especial atención e apoio destes traballadores.

A aprobación da cesión do contrato da redacción do PXOM de Nigrán, da UTE Tinsa-Arnaiz á empresa Eptisa queda novamente aprazada.

As obxeccións dos informes dos técnicos municipais aos termos nos que se negociaba a contrato da mesma deron por terra á intención do PP de presentar a súa aprobación por vía de urxencia no pleno da pasada noite.

Os grupos políticos de Nigrán comprometéronse a entregar a contabilidade específica correspondente ás dotacións económicas recibidas do concello no ano 2013. O fixeron no transcurso do pleno deste xoves ao contestar unha reclamación presentada con ese obxectivo por EU ás Contas Xerais. A reunión de portavoces de decembro instrumentará as formalidades a cumprir para que o pleno as solicite formalmente, como ordena a lexislación vixente.

O alcalde Alberto Valverde decide a última hora non levar a cesión do contrato do PXOM ao pleno ordinario deste xoves. Iso a pesar de convocar un pleno extraordinario 15 días atrás por considerar urxente a cesión da redacción do PXOM á empresa Eptisa

. Non se descarta que a moción sexa tratada pola vía de urxencia.

O informe de intervención considera que o concello pagou indebidamete á anterior empresa redactora - a UTE Tinsa-Arnáiz - cantidades improcedentes por traballos non realizados ou que fican incompletos.