O actual coordinador de Esquerda Unida, José Cuevas Raposo, será o candidato á alcaldía de Nigrán polo partido instrumental Nigrán Decide. Esta candidatura que apoian independentes, Esquerda Unida e ANOVA, será presentada en acto público este venres 17 de abril ás 20 horas na A. VV. Monteferro de Panxón.

A candidatura Nigrán Decide comunica que ampliou o prazo para inscribirse como votante nas primarias, até o mesmo día da votación, que se celebrará o sábado, 11 de abril, entre as 16:00 e as 19:00 horas, no Bar O Ramal, no Torreiro de Priegue .

Promoven unha candidatura unitaria na que participen militantes das organizacións convocantes e cidadáns independentes cara ás municipais de maio. Nese senso o vindeiro venres 27 de marzo desenvolverán unha asemblea aberta a todo público no Centro Cultural "O Torreiro" de Priegue para debater sobre o punto.

A Deputación de Pontevedra concedeulle, na Xunta de Goberno do pasado venres, unha subvención de 195.963 euros ó Concello de Nigrán para realizar, nun prazo de tres meses, actuacións de mellora da seguridade en sete vías de titularidade municipal. As actuacións consistirán na mellora dos firmes existentes, na ampliación de calzadas nalgúns tramos e en melloras da sinalización, sinala o comunicado provincial.