- Os cortes de luz en Gondomar estanse a producir fundamentalmente nas parroquias de Peitieiros, Couso, Morgadáns e Chaín. “Nos últimos 45 días lévanse cando menos 5 cortes”, advirten os nacionalistas. Sinalan que ás veces coinciden coas treboadas pero noutras acontece “con simplemente catro pingas e cunha brisa lixeira”.

O BNG denuncia que varias parroquias de Gondomar volven sufrir continuos cortes de luz. Sinalan que neste concello, todos os anos hai cortes de luz no inverno, coincidindo coas treboadas. Mais o acontecido nos últimos días “aseméllase á situación vivida hai dez anos, en que chegou a haber cortes de varios días”.

-Presentan unha moción no Concello de Gondomar pedindo a derrogación das leis galegas que discriminan ás mulleres e o rexeitamento á reforma da Lei do aborto
O Bloque Nacionalista Galego de Gondomar rexistrou unha moción no Concello para solicitar que a corporación municipal manifeste o seu total rexeitamento á reforma da actual lei do aborto, e que inste á Xunta de Galiza a retirar as leis galegas de apoio á muller embarazada e de apoio á familia e á convivencia, por non dotaren de servizos nin recursos ás mulleres que queren exercer o seu dereito á maternidade e por suporen un retroceso de décadas na igualdade.

-O Concello de Gondomar emite un comunicado con advertencias e recomendacións aos viandantes e condutores que transiten polas estradas do municipio.
-Reportan que nestes días lévanse retirado un total de sete muros derribados polo vento, así como numerosas árbores que cortaban varios camiños do municipio
O temporal que azouta a comarca estes días está a causar graves danos que segundo informan dende o Concello de Gondomar, ten afectado diversas zonas verdes e estradas. Por mor disto, a brigada de Vías e Obras do Concello de Gondomar está a traballar e patrullar por diversos puntos do municipio para facer fronte a posibles imprevistos

-ANOVA reclamará ao Concello facilitar documentación aos veciños que están a pagar contribucións “inxustas” pola falla de actualización catastral que sofre Gondomar.

Desde ANOVA sinalan que trala anulación en 2005 do PXOM de Gondomar, a Dirección Xeral de Catastro non ten aínda axeitados os datos catastrais ás normas que actualmente rexen no concello. Situación que provoca que algúns veciños estean a pagar unha contribución (IBI) “inxusta” segundo ten constatado os nacionalistas. Por iso solicitarán no pleno de este xoves que o goberno municipal poña a disposición da veciñanza toda a documentación necesaria para que os interesados podan efectuar as súas reclamacións ante a Dirección Xeral do Catastro.