Esquerda Unida Gondomar denuncia que a Biblioteca Municipal se atopa pechada por falta de persoal. O seu portavoz, Josué Villar, afirma que actualmente o préstamo de libros só é posible achegándose á concellería de Cultura, “complicando a tarefa dos traballadores desta área e facendo que o acto de sacar un libro sexa, en lugar de incentivado, máis complicado”.
Gondomar - Noticias de Gondomar e Val Miñor
EU denuncia o peche por falla de persoal da Biblioteca Municipal de Gondomar.
Consultas sobre o programa político e as municipais centraron a primeira asemblea de Podemos-Gondomar
O pasado sábado tivo lugar a presentación do Círculo Podemos de Gondomar no Centro Neural. Próximo a 90 persoas asistiron á xuntanza segundo fontes da propia organización. As consultas sobre o programa político e as bases ideolóxicas da formación foron o centro das consultas dos participantes na primeira parte da asemblea segundo consta na acta publicada polo círculo. Os problemas municipais e as posibles formas de participar nas vindeiras eleccións locais constituíron boa parte do debate no resto da sesión. A agrupación programa unha próxima reunión para o sábado 12 de xullo ás 20 horas nun ciclo de rotación que o círculo pretende levar a todas as parroquias de Gondomar.
O goberno de Gondomar evita unha rebaixa das súas retribucións postergando a aprobación dos orzamentos.
Quedan sen aprobación definitiva os orzamentos para 2014 no Concello de Gondomar. Unha enmenda presentada polos nacionalistas para lle rebaixar á metade as dedicacións exclusivas aos concelleiros do goberno (6 de 8 membros), provocou o desconcerto no oficialismo e a decisión de postergar a votación. A situación en minoría na que goberna o equipo do alcalde Fernando Guitián (P P) volve a provocar un revés ás propostas de acordo que leva ao pleno. Pola súa banda, os nacionalistas denuncian o dobre discurso do gobernante bipartito PP-CDL. Asegura o concelleiro Antonio Araújo que “pretendían aprobar definitivamente o orzamento municipal” argumentando que era “vital” para cumprir fines esencias. Sen embargo, cando a súa formación presentou a devandita enmenda, “ah sorpresa!, deciden deixar sobre a mesa esa asunto. Xa non é vital”, segundo relataba tras a culminación do pleno deste xoves pola noite. A votación dos orzamentos e a enmenda nacionalista deberá ser votada na próxima reunión plenaria.
Os promotores do círculo Podemos Gondomar preparan a súa asemblea constitutiva para o 5 de xullo.
O vindeiro sábado 5 de xullo terá lugar en Gondomar a presentación do círculo local da corrente política Podemos. Deste xeito conformarase a segunda organización de militantes do grupo liderado por Pablo Iglesias que se constituíra como cuarta forza electoral nos tres concellos do Val Miñor, nas Europeas. A presentación terá lugar ás 20 horas no Centro Neural de Gondomar e terá carácter de asemblea aberta, segundo adianta a VM.info, o profesor Manuel Lado, un dos promotores do círculo. Ademais de Lado, entre os iniciadores da formación gondomareña atópanse entre outros Rosa Pascual, María Castro, Marga Cachaza, Odette Guillán e Paloma Amigo.
Rouban o material deportivo e provocan graves desfeitas nas instalacións da AC Vincios.
Duro golpe ao deporte miñorano. Durante a fin de semana descoñecidos ingresaron ao campo de fútbol da AC Vincios e ademais de roubar o material deportivo da institución provocaron importantes danos nas instalacións. A laboriosa institución deportiva que acadara recentemente o ascenso á 2ª división Autonómica pide a colaboración da veciñanza para recuperar ou aportar pistas do material roubado.
JPAGE_CURRENT_OF_TOTAL