A Oficina de Información Xuvenil de Gondomar organiza unha charla gratuíta sobre novas posibilidades de emprendimiento que ofrece hoxe Internet, con especial fincapé nos blogs e o sistema de financiamento Crowdfunding. O coloquio estará a cargo de persoal da Xunta de Galicia que asesorará aos asistentes sobre o tema. A charla de dúas horas de duración forma parte do Programa Activa da Dirección Xeral de Xunventude. Será o día venres 31 de outubro no Centro Neural do municipio.
Os interesados deben inscribirse no teléfono 986 369 746 ou a través da páxina web da OMIX Este enderezo de correo-e está a ser protexido de robots spamers, precisas activar o JavaScript para velo , indicando nome, apelidos, DNI, data de nacemento e teléfono de contacto.
Gondomar abre inscricións para unha charla sobre emprendemento a través das redes
O IEM organiza unha saída didáctica á Serra do Galiñeiro co CEIP Chano Piñeiro de Gondomar.
O vindeiro sábado 11 de outubro ás 10 horas terá lugar unha nova saída didáctica organizada polo Instituto de Estudos Miñorans á Serra do Galiñeiro. Andaina que nesta ocasión se desenvolverá cos escolares do CEIP Chano Piñeiro de Gondomar, acompañados de mestres e familiares. A actividade contará coa guía dos membros do IEM, María Lemos e Pablo Casal, autor do libro Didáctica da Serra do Galiñeiro (IEM,2014).
AMEGA denuncia a política de publicidade institucional da Xunta ante expertos europeos
A Asociación de Medios en Galego - da que forma parte vm.info - a través do seu vicepresidente Xurxo Salgado, denunciou este luns a política de publicidade institucional da Xunta ante os integrantes do Comité de Expertos sobre Linguas Minoritarias –organismo dependente do Consello de Europa encargado de velar polo cumprimento da Carta Europea das Linguas–, pola marxinación á que están sometidos os medios en galego.
O ciclo “Cine e Memoria II” acolle o documental “O meu nome é Luis Ferreiro” este mércores no IEM.
O Ciclo Cine e Memoria II acolle este mércores 8 de outubro (20:30 horas) a exhibición do documental O meu nome é Luís Ferreiro. Unha historia do antifranquismo galego (Galicia, 2010). O filme dirixido polos vigueses Roi Caxiao e Fernando Llor, transita pola vida de Luis González Vila “Ferreiro”, militante comunista na clandestinidade durante o franquismo. O traballo aborda diferentes etapas e cuestións relativas á loita contra a ditadura en Galicia: guerrilla, exilio, emigración, e a estratexia da folga nacional pacífica non tramo final do réxime.
A exhibición enmárcase no ciclo “Cine e Memoria II”, organizado polo Instituto de Estudos Miñoranos, como parte da homenaxe anual que lembra a memoria dos miñoranos asasinados na Volta dos 9. A actividade terá lugar na Aula de Cultura Ponte de Rosas, na Avenida da Feira, 10, baixo Gondomar. A entrada é libre.
Entrevista a Hunter Party, música electrónica feita no Val Miñor.
Chega o outono e aínda golpean os ecos da festa electrónica do verán na Casa do Cazador, nos montes de Gondomar. Era a noite da gran lúa e sen subvencións nin publicidade nos medios, a puro chío nas redes e “whatsapp” xuntáronse máis de trescentas persoas para vivir unha xornada de música NON STOP de máis de 8 horas. Todo organizado por un grupo de mozas e mozos do Val Miñor, creativos e amantes da música. Hunters Party é o nome deste colectivo que xa conta con DJs residentes como Dead Monkeys e D'Duo π, con cartel e prestixio entre os seareiros do xénero en Galicia.
Co colectivo faolou VM.info para coñecer un pouquiño máis das súas andainas.
Cópera Prima estrea o capítulo piloto da súa web serie este venres no Rañolas de Gondomar.
A web serie Cópera Prima será estreada no Café Rañolas de Gondomar este venres 3 de outubro en dúas sesións, ás 21 e ás 23 horas. Centrada en temáticas relativas á mocidade está rodada en escenarios do Val Miñor por un elenco fornecido por mozas e mozos estudantes da EAV de Vigo, a maioría deles residentes en Gondomar. O proxecto foi premiado polo programa Iniciativa Xove da Xunta de Galicia e contará cunha xira de presentación que a levará ademais a Vigo, Pontevedra, Santiago e A Coruña.
Desde este sábado Mañufe “levanta o telón” da I Mostra de teatro afeccionado
Elencos de Morgadáns, Priegue, Sabarís, Chaín e Mañufe darán vida a este festival de teatro coa posta en escena de obras de Victoriano Taibo, Hollyer, Blanco Amor e José Cedena, no escenario do Centro Cultural San Vicente de Mañufe.
A Editora Emerxente convoca o “I Premio de Micronovela Emerxente”
Poderán concorrer ao I Premio de Micronovela Emerxente autoras e autores de calquera nacionalidade, presentando unha soa obra escrita en calquera das normas do galego-portugués (RAG, AGAL, Portugués Padrón). O premio constará da publicación do libro, nunha primeira edición de cen exemplares, da que se derivarán os preceptivos dereitos.
As obras aspirantes, que deberán ter unha extensión comprendida entre as 50 e as 60 páxinas (Times New Roman, 12, espaciado dobre), serán inéditas na súa totalidade e en calquera formato, físico ou dixital.
O Centro Cultural Parada do Miñor organiza unha excursión a San Froilán (Lugo).
O Centro Cultural de Parada do Miñor organiza unha excursión a San Froilán (San Froilán) o día 12 de outubro de 2014. Sairáns as 07:30 da mañá da Igrexa de Parada, con regreso sobre ás 20:00 h. O prezo por persoa é de 28€. O número mínimo de persoas para poder facer a excursión é de 50 persoas. O derradeiro día para anotarse é o día 6 de outubro. O que queira anotarse pode chamar ó teléfono 628986597 a partir das 15:00 horas e preguntar por Bea
JPAGE_CURRENT_OF_TOTAL
