Unha xornada cultural acollerá a colectivos e asociacións que traballan a prol dos dereitos das persoas con discapacidade este sábado 6 de decembro a partir das 11:30 horas no Mercado de Abastos de Sabarís. A praza congregará postos de venda e exhibición con produtos elaborados nos talleres de cada asociación. Ao longo do evento haberá contacontos, premiacións, un coloquio cos deportisas Milagros López Vernet e Gonzalo Suárez, para pechar a xornada cun concerto de Los del Barro. A actividade está coordinada pola Asociación de Persoas con Discapacidade do Val Miñor Encaixamos, e conta coa colaboración da asociación veciñal Castro e Ladeira e o Concello de Baiona.
Encaixamos Val Miñor organiza unha xornada cultural en Sabarís no Día das Persoas con Discapacidade.
Comezan as xornadas sobre saúde mental e emprego no Verbum de Vigo.
Máis de 150 persoas acudirán ás VI Xornadas de Saúde Mental e Emprego
O encontro, organizado por FEAFES Galicia, terá lugar mañá martes 2 de decembro no Museo Verbum de Vigo.
Na inauguración das Xornadas intervirán Marta Iglesias (PP), deputada provincial de Pontevedra, e Isaura Abelairas, Concelleira de Benestar, Igualdade e Normalización Lingüística do Concello de Vigo.
O escritor e músico Xurxo Souto visita o club de lectura Sete Vidas na Biblioteca Municipal de Gondomar.
O escritor e músico Xurxo Souto visita este martes, 2 de decembro, o club de lectura Sete Vidas da asociación Espazo Lectura de Gondomar para falar, entre outras cousas, do seu libro Contos do mar de Irlanda (Ed. Xerais, 2014), a lectura proposta para este mes no club. A sesión dará comezo ás 20:00 horas na Biblioteca Municipal de Gondomar.
Castro e Ladeira celebrará o venres 5 o Serán de Outono no Mercado de Sabarís
A asociación veciñal Castro e Ladeira de Sabarís organiza o vindeiro venres 5 de decembro a partir das 20:30 horas un serán no Mercado de Abasto. A velada levará por título Serán de Outono e será amenizada por diversos grupos de gaitas e folclóricos da bisbarra. Haberá cantina con bocadillos e bebidas a prezos populares e para rematar queimada gratuíta.
A comisión de festas de Parada abre inscricións para participar dun cocido de confraternidade.
A Comisión de Festas de Santiago e Santa Ana 2014/2015 de Parada organiza un cocido o vindeiro domingo día 7 de decembro as 14:00. O xantar estará amenizado por un grupo musical. A comisión pon a disposición o teléfono 617 82 08 14 para aquelas persoas que desexan anotarse.
“Desfíxose o novelo”
Unha ducia de persoas participaron nestes meses de outubro e novembro no II Obradoiro literario Victoriano Taibo: Desenvolvendo o nobelo. Ao longo das distintas sesións a condutora, Marta Dacosta, procurou ofrecer motivos de reflexión literaria e pretextos para construír poemas e textos narrativos. Este xoves 27 de novembro, as e os participantes no Obradoiro deron a coñecer as obras realizadas, nun lectura pública na Aula de Cultura Ponte de Rosas, sede do IEM. O acto levou por título "Desfíxose o nobelo".
Inauguración da mostra fotográfica “I T I N E R A N C I A (S)”, de Santi Vega no IEM.
Continuando co calendario exposicións de arte na Aula de Cultura Ponte de Rosas, o Instituto de Estudos Miñoranos convida á inauguración de "ITINERANCIA(S)", unha selección de traballos de fotografía de gran e pequeno formato da colección autoría de Santi Vega. Será o vindeiro venres 28 de novembro ás 20:30 horas na Avenida da Feira Nº10, baixo Gondomar.
OVALMI lanza a campaña “Sente o Nadal” coa que os clientes poderán gañar vales de compra de até 300€
O comercio local de Baiona, Gondomar e Nigrán adherido a OVALMI agasallará aos clientes con rifas para vales de compra de até 300€. A iniciativa leva 21 anos e volve coa campaña "Sente o Nadal" que premia a fidelidade aos establecementos miñoranos.
Unha xornada de lectura pública pecha o II Obradoiro de creación literaria Victoriano Taibo.
Unha ducia de persoas participaron nestes meses de outubro e novembro no ” II Obradoiro literario Victoriano Taibo: Desenvolvendo o nobelo”, organizado polo Instituto de Estudos Miñoranos. Ao longo das distintas sesións a condutora, Marta Dacosta, procurou ofrecer motivos de reflexión literaria e pretextos para construír poemas e textos narrativos. Este xoves 27 de novembro ás 20:30 horas, as e os participantes no Obradoiro darán a coñecer as obras realizadas, nun lectura pública que promete non deixarnos indiferentes. Será na Aula de Cultura Ponte de Rosas, sede do IEM, na Avenida da Feira Nº10, baixo, Gondomar. O acto é aberto a todo público e levará por título “Desfíxose o nobelo”.
JPAGE_CURRENT_OF_TOTAL
