O vindeiro mércores 29 de outubro de 2014 ás 20:30 horas terá lugar o pase do documental As Silenciadas (Galicia, 2011), dirixida por Pablo Ces. Na proxeccións na Aula de Cultura Ponte de Rosas, estarán presentes o director do filme así como Aurora Marco, encargada da investigación da historia así como co-responsable do guión, quen desenvolverán un coloquio co público asistente.
O documental “As silenciadas” pecha o ciclo Cine e Memoria II no IEM
Representación de “A vida da tía Lambida”, de Eduardo Blanco Amor na mostra teatral de Mañufe.
A iniciativa da Asociación Cultural San Vicente de Mañufe e coa colaboración da Concellaría de Cultura do Concello de Gondomar, durante todo o mes de outubro se está a desenvolver a I Mostra de Teatro Afeccionado "Mañufe levanta o telón". Este sábado 25 de outubro, ás 22 horas o grupo de teatro A Moura de Chaín ofrecerá a obra "A vida da tía Lambida", de Eduardo Blanco Amor.
Espazo Lectura achega actividades para a mocidade e os máis pequenos este sábado en Gondomar.
Este sábado, 25 de outubro, os clubs de lectura da Asociación Espazo lectura de Gondomar Lendo Contigo (para crianzas de 7 a 11 anos) e Comando Le (para a mocidade de 12 a 15 anos) volven á súa programación habitual, tras o descanso estival.
O Concello de Oia procura tres limpadores/as para edificios públicos do municipio.
O Concello de Oia abre unha convocatoria para a selección laboral temporal de tres limpadores/as de edificios públicos e creación dunha bolsa de emprego. A selección laboral será de carácter temporal para levar a cabo as tarefas de limpeza da casa consistorial, a gardería, o centro de saúde e colexio público de Oia.
O contrato ten unha duración de 6 meses a tempo parcial (5 horas en horario de 15.00 a 20.00h)
Presentación de “Poemas da Mariña”, de Miguel Anxo Mouriño este venres no IEM.
O próximo venres día 24 se presentará no IEM o libro “Poemas da Mariña”, do escritor Miguel Anxo Mouriño. O acto correrá a cargo da tamén escritora Marta Dacosta quen estará acompañada polo artista plástico, Fernando Casás, autor da capa (deseño e imaxe). Os netos maiores do autor do poemario, Pablo e Antía, participarán recitando cadanseu poema do libro. O acto terá lugar ás 20:30 horas na Aula de Cultura Ponte de Rosas.
O paro baixa en 26.100 persoas en Galicia pero perde 15.400 traballadores activos
O paro baixa en 26.100 persoas en Galicia.
Os datos da EPA reflexan a perda de 15.400 traballadores/as activos menos que fai un ano.
As cifras dos fogares con todos os membros en paro sitúase en 1.8 millóns fronte aos 1.5 do ano 2011 en toda España.
Charla informativa sobre o cooperativismo como alternativa ao autoemprego
Mañá xoves día 23 de outubro ás 10:30 horas terá lugar, no Centro Neural de Gondomar, unha charla sobre cooperativismo dirixida a persoas desempregadas dentro do proxecto comarcal "Valemprego".
Técnicos da federación galega de Cooperativas Sinerxia informará aos asistentes sobre as vantaxes e oportunidades desta fórmula xurídica baixo o nome "Cooperativismo como alternativa ao autoemprego", acompañando con exemplos de casos reais de éxito cooperativo o relatorio.
O ciclo “Cine e Memoria II” acolle o documental “La Sauceda” este mércores no IEM.
Este mércores 22 de outubro ás 20:30 horas proxectarase na Aula de Cultura Ponte de Rosas o documental La Sauceda. De la utopía al horror (2014), no marco do ciclo Cine e Memoria II. Dirixido por Juan Miguel León Moriche e realizado por Antonio Bermejo Canua, o filme amosa o horror sufrido en La Sauceda (Málaga), poboado bombardeado pola aviación e por columnas do exército franquista en 1936.
Conflito sindical en Citroën
A CUT denuncia a actitude dalgúns sindicatos e da dirección da factoría por negarse a convocar o novo comité ata o día 3 de novembro. Pide unidade sindical.
A dirección da factoría Citröen en Vigo acaba de abrir unha nova negociación cos seus traballadores xusto cando se acaba de elixir un novo Comité de Empresa. Sen embargo, e segundo denuncia unha das centrais que acaba de obter representación neste comité, a CUT, a empresa non quere convocar o novo Comité ata o vindeiro día 3 de novembro.
JPAGE_CURRENT_OF_TOTAL
