O Xornal do Val Miñor. Baiona, Nigrán, Gondomar

Este mércores 24 ás 21:30h, terá lugar unha Charla-Debate sobre a Axuda Oficial ao desenvolvemento en África, no café-Bar "Rañolas" (Gondomar).
En primeiro lugar expoñerase o problema, aportando datos interesantes sobre o subdesarrollo en África e a influencia da axuda, para que os asistentes teñan as ferramentas necesarias para abordar o debate con datos e situacións concretas.

O vindeiro mércores 24 de setembro ás 20:30 horas terá lugar unha presentación-coloquio do libro Temos dereito a un futuro distinto. Conversas con Xavier Vence (Engaiolarte, 2014). Obra centrada nunha profunda entrevista do xornalista Xan Carballa ao economista e portavoz nacional do BNG, Xavier Vence. O libro será presentado nun acto cultural a desenvolver na Aula de Cultura Ponte de Rosas, na Avenida da Feira, Nº 10, baixo, Gondomar. Contarase coa presenza de Xan Carballa e Xavier Vence.

O círculo Podemos recentemente conformado no concello de Gondomar inicia unha rolda de asembleas nas distintas parroquias do municipio. Nese senso, este xoves 25 de setembro terá lugar un encontro aberto na parroquia de Morgadáns, na Escola de Guillufe a partir das 20 horas.

A Asociación Veciñal e Cultural "Chandebrito 1807", co fin de recuperar e poñer en valor un dos oficios tradicionais máis antigos, convoca para esta nova tempada 2014/2015 un curso de cestería tradicional, denominado Cestería en palla de centeo (II), a cargo de Rubén Berto Covelo, mestre cesteiro artesán de Vigo. O mesmo desenvolverase na Escola infantil de Chandebrito (rúa da Igrexa, 2), todos os luns dende o 6 de outubro ata o 29 de decembro de 2014 (ambos incluídos) en 12 sesións.

Este venres 19 de setembro, ás 20:30 horas terá lugar a presentación do libro dun lago escuro (Xerais, 2014), o poemario gañador do Premio Johán Carballeira 2013, autoría da escritora Marta Dacosta. O evento contará coa presenza da autora, quen estará acompañada polos escritores Miguel Anxo Mouriño e Pedro Feijoo Barreiro. O acto como é habitual terá lugar na Aula de Cultura Ponte de Rosas, na Avenida da Feira nº10, baixo en Gondomar.

Este modelo de espazo de convivencia colaborativa e inspirado na cultura libre con sede física en Nigrán, será presentado no II Encontro Europeo de Prácticas Cooperativas Cidadás (Cooperland), que terá lugar este venres 19 e sábado 20 en Vigo. A Casa Colorida leva mais dun ano como vivenda permanente dun equipo de creadores e feitores de diversas iniciativas económicas e culturais. Entre elas, ofrecen residencias temporais a artistas e colectivos que estean a procurar un lugar onde emprender proxectos relacionados coas Economías Alternativas, os Sistemas de Información, as Novas Territorialidades, as Artes Interactivas e outros modelos de institucións solidarias.

A Consellería de Cultura, Educación e Ordenación Universitaria pon en marcha unha nova edición do mercado galego de artes escénicas Galicia Escena PRO, que se celebrará do 3 ao 5 de novembro de 2014 en Santiago de Compostela co obxectivo de impulsar e dinamizar a contratación dos espectáculos producidos en Galicia.

As funcións diríxense a programadores, distribuidores e promotores culturais que se desprazarán á capital de Galicia para presenciar persoalmente as últimas montaxes das compañías galegas e conformar a súa selección cara ás contratación da temporada. O público xeral tamén poderá gozar de boa parte desta carteleira nos recintos con capacidade en número de butacas superior aos profesionais acreditados.

A compañía inglesa lanza billetes de voos internacionais a Europa máis baratos que viaxar a Coruña pola AP-9 para ir ao IKEA.

Unha viaxe de ida e volta, 2 persoas, Porto - París CDG na ponte da Constitución de decembro, por apenas 65€ por persoa.