O tema Hablando con ella do gondomareño Rubén de Lis foi galardoada como a Melhor Música de 2014 no marco dos Prêmios da Música Católica outorgados na Arquidiocese de São Salvador de Bahia (Brasil). Autor entre outras pezas, do Himno do centenario do Gondomar C.F. , De Lis ten unha abondosa carreira dentro do xénero coñecido como música cristiá con notable presenza no país americano. A canción galardoada en Brasil por voto popular, recrea un diálogo íntimo do autor coa virxe María.
O vindeiro venres 19 de decembro ás 20:30 horas os investigadores Antón Costa Rico e Xosé Manuel Malheiro presentarán o último número da Revista Murguía. A historia da educación no noso país centra este monográfico da Revista Galega de Historia que con este número cumpre o seu X aniversario.
O Mercado da Tia Ni (Sabarís) acollerá o vindeiro venres 19 de decembro, ás 20.30 horas, a presentación do poemario Verbas cum, da escritora e avogada viguesa Isabel Branco-Rivas, ilustrado pola baionesa Irene Silva Xiráldez e publicado pola editorial Belagua. O acto de presentación consistirá nun recital no que intervirán, xunto á autora e a ilustradora, o cantor Paco Represas, quen musicalizou algúns destes poemas. Entrada libre con chocolate de agasallo.
A Federación de Industria de CCOO convoca unha asemblea aberta para este sábado, día 13 de decembro. Terá lugar ás 10:30 no Instituto Santa Irene de Vigo. Ao remate, ás 12 h, está prevista unha manifestación desde a praza de América ata a factoría de PSA Peugeot-Citroën.
O acto será este sábado 13 de decembro ás 19h no Rañolas Café. No mesmo realizarase un obradoiro de micromachismos dirixido pola xornalista e membro da dirección de Galiza Nova, Olaia Rodil.
Músico, escritor, locutor, produtor e unha multitude de oficios vencellados á comunicación enxoian a traxectoria de Xurxo Manuel Souto Eiroa (Galicia, 1966), protagonista da vindeira TERTULIA do IEM. O arqueólogo Xosé Lois Vilar será o encargado de presentar ao convidado este venres 12 de decembro ás 20:30 horas, na Aula de Cultura Ponte de Rosas (Avenida da Feira Nº10, baixo, Gondomar).
Tamén como é tradicional, despois do acto aberto ao público en xeral haberá unha cea coa persoa convidada que terá lugar no Pazo da Escola de Mañufe Gondomar á que se poderá asistir facendo a correspondente reserva de praza no teléfono 986 360 575 ou ben no correo electrónico oficina@ minhor.org .
Espazo Lectura estará presente no Culturgal, a Feira das Industrias Culturais de Galicia, que se celebra no Pazo da Cultura de Pontevedra os vindeiros 5, 6 e 7 de decembro. O fará en dúas xornadas. O sábado 6, ás 17:00 horas, no ESPAZO BEBÉS da feira, haberá unha sesión de Contos en Cueiros. O domingo 7, ás 16:00 horas, no ESPAZO INFANTIL, A Banda dos Cueiros ofrecerá un concerto.
O coro tradicional CANTARES DO BRIÓN presenta o seu disco "Arruídos" na feira cultural CULTURGAL. Será no Espazo Carpa, no Pazo da Cultura de Pontevedra, o domingo 7, ás 11:45h.
Desde a Asociación de Empresarios e Comerciantes do Val Miñor (OVALMI), ponse en marcha a 3ª edición de "Tapas Quentes" en Panxón. Son doce os locais da contorna de Panxón que se suman a esta iniciativa, que ofrecerán durante os días 4, 5, 6, 7 e 8 de decembro, diversos entrantes quentes, polo prezo dun euro a ración. No facebook de OVALMI e na web www.ovalmi.com poderanse consultar os horarios dos locais participantes.
JPAGE_CURRENT_OF_TOTAL
Non é publica. Esta é a útlima versión feita pública antes da súa aprobación inicial. Dende ese punto non hai[…]
Qué version buscas?