O vindeiro mércores 4 de marzo ás 20 horas terá lugar a presentación do libro de A voz quebrada. Da memoria histórica e o terror fascista (IEM, 2014), de Xosé María Álvarez Cáccamo no Centro Goianés. Ademais do autor, a presentación contará coas intervencións de Araceli Ozores Peixoto (C.Goianés) e Carlos Méixome Quinteiro (IEM).
Pepe Cáccamo presenta “A voz quebrada” no Centro Goianés.
Os coros tradicionais Toxos e Froles e Cantares do Brión celebrarán o IV Cantares no Miñor
O vindeiro sábado 7 de marzo terá lugar o IV Encontro de coros tradicionais "Cantares no Miñor" que organiza Cantares do Brión. Nesta ocasión o grupo invitado é o Real Coro Toxos e Froles (Ferrol) quen este ano conmemora o seu primeiro centenario. Será a partir das 19:30 horas no Auditorio Afundación (entrada por Marqués de Valladares) de Vigo. Entrada de balde até completar prazas.
“Barferencia” en Baiona sobre os primeiros resultados das escavacións da Cabeciña.
Trátase dun evento no que se presentarán as novidades dos traballos arqueolóxicos da Cabeciña no marco do Proxecto Mougás. O acto terá lugar en La Micro de Baiona, situada no Mercado de Abastos, ás 20:30 e conta coa colaboración do Concello de Baiona. A entrada é totalmente gratuita.
AMEGA denuncia a exclusión de medios en galego das axudas institucionais
PSdeG, AGE e BNG apoian unha proposta de Lei de Publicidade Institucional desta asociación para prohibir os convenios pola súa evidente arbitrariedade e que se reserve unha parte do orzamento das campañas publicitarias para medios en galego.
Os medios membros da Asociación de Medios en Galego (AMEGA) denuncian a desidia da Xunta para coa defensa do uso do galego no eido da comunicación ante a pasividade das administracións públicas. Son varias as situacións nas que a entidade, que defende, ante todo, o uso do noso idioma nos medios de comunicación, viuse atacada polas decisións da Xunta de Galicia.
Curso de cestería tradicional na antiga Escola Infantil de Chandebrito
A Asociación Veciñal e Cultural "Chandebrito 1807", convoca para esta nova tempada 2014/2015 do curso de cestería tradicional, que con gran éxito desenvolve todos os anos. Nesta ocasión o obradoiro levará por título CESTERÍA OVALADA EN VIMBIO (I).
Debate sobre agricultura sostible e crise enerxética no Café Rañolas de Gondomar.
Este xoves 12 de febreiro o espazo de debate "Qué horas honestas" achegará a opinión dun grupo de profesionais sobre a eficiencia enerxética nos fogares, agricultura sostible e crise enerxética global. A mesa estará integrada por Ramiro Fernández (licenciado en bioloxía), Pablo Freiría (arquitecto técnico e enxeñeiro en edificación), Álex Pereira (profesor de agricultura ecolóxica), e o politólogo Josué Villar como moderador. Será ás 20:30 no café Rañolas con entrada libre.
Venres: TERTULIA do IEM co músico Roi Casal
A música volve irromper nunha nova TERTULIA do IEM. Esta vez coa visita do exquisito músico e compositor Roi Casal. Fillo de Nando, "o gaiteiro" de Milladoiro, formou parte deste grupo durante 9 anos. Trala súa consagración como arpista da banda iniciou unha sonada carreira solista en 2009 que o está a levar por escenarios de medio mundo coa presentación de seus traballos discográficos. A presentación do acto estará a cargo de Antón Seone, un dos fundadores de Milladoiro  Será o este venres 6 de febreiro ás 20:30 horas, na Aula de Cultura Ponte de Rosas (Avenida da Feira Nº10, baixo, Gondomar).
O libro “Desenvolvendo o nobelo” abre unha nova iniciativa editorial do IEM.
O libro ten unha compoñente moi entrañable, pois recolle os traballos, feitos con dedicación e cariño, dun grupo de persoas adultas que se decidiron mellorar a súa capacidade para a creación de textos literarios da man da poeta Marta Dacosta e expoñen nel a súa obra chea de sensibilidade que acada en moitos casos cotas de calidade propias de escritores con maior dedicación. Titúlase Desenvolvendo o nobelo, título que fai mención a unha imaxe creada por Marta Dacosta:
Escribir é...
atopar a punta do fío axeitado e tirar del até desfacer o nobelo.
Despregar diante de nós esa sucesión de palabras que constrúe o edificio do texto e abriga as ideas.Â
Músicos de Gondomar ofrecerán concerto solidario co programa ‘Vacacións en Paz’ para cativos do Sáhara.
O vindeiro sábado 7 de febreiro a partir das 20 horas terá lugar un concerto solidario co programa Vacacións en Paz que coordina a ONG SOGAPS (Solidariedade galega co pobo saharauí). Baixo o lema "Música pola Paz" subirán a escena o Cuarteto de Saxos A.M. Vincios; a pianista Sara Gaviño; o cuarteto de cordas integrado por Gil, Mañá, Mariño e Carvalho; o Dúa Ameva; Unhamoza (voz solista), todos eles de Gondomar. Unirase ao evento o grupo de guitarras da A.S.C. Zamáns. O festival contará coa participación Noelia Otero, locutora da Cadena Ser.
JPAGE_CURRENT_OF_TOTAL