O concelleiro nacionalista non adscrito Antonio Araújo presentará a acordo do pleno de Gondomar, que se reúne este xoves ás 20.00 horas, solicitar á Real Academia Galega que dedique o Día das Letras Galegas de 2016 á traxectoria de Victoriano Taibo, escritor e fornecedor da lingua do país. Victoriano Taibo, nado en Santigao, estivo vinculado a Morgadáns, onde recidiu e exerceu como mestre na primeira metade do século XX.
Araúxo reclama o Día das Letras Galegas de 2016 para Victoriano Taibo, escritor e mestre de Morgadáns.
Mañufe celebra desde este xoves o ciclo cultural: ”Maio mes das flores, das nais e das letras”.
Unha chea de concertos, teatro e unha mostra de bonecas integrarán a oferta de actividades culturais que a Asociación Cultural San Vicente de Mañufe ten preparado para conmemorar coa veciñanza da parroquia o Día das Nais e o mes das Letras Galegas. Este ciclo denominado "Maio mes das flores, das nais e das letras" dará comezo este xoves ás 22 horas cun recital de música tradicional a cargo do grupo Os Romanteleiros de Mañufe, e o grupo folk "Xarope de uva". A actividade terá lugar no Centro Cultural de Mañufe.
Os bancos non bloquearán a túa conta este xoves se non teñen o teu DNI
As entidades financieras teñen orde do Banco de España de bloquear as contas bancarias de aquelas persoas que non faciliten copia dixitalizada do seu DNI, previo requerimento do banco.
É unha obriga imposta polo Banco de España aos clientes de entidades financieiras, en cumprimento das esixencias fixadas na normativa de prevención de "blanqueo de capitais" e financiación do terrorismo (lei 10/2010).
Belesar cantaralle ás súas nais
A Coral Polifónica San Lourenzo de Belesar brindará este sábado 2 de maio, un concerto có gallo da celebración do día da nai.
O festival contara coa actuación do Coro Xuvenil e a Coral Polifoníca de Belesar, que compartirán esceario coa coral palentina "Blanca de Castilla".
O Mercado de Arte volve á praza de abastos de Sabarís
A asociación de empresarios de Sabarís COEMSA volverá un ano máis a mudar a praza de abastos nun auténtico "mercado" de arte.
A cita para todos os amantes das artes plásticas e da fotograía será o vindeiro domingo 10 de maio de 10 a 21h na praza de abastos de Sabarís.
Xunta pagará aos medios 2,5 millóns en publicidade con fondos da Unión Europea
A Xunta insiste que este gasto millonario en publicidade é para a protección do patrimonio e da natureza de Galicia. Por iso, o diñeiro que recibirán os medios de comunicación será europeo, procedente do programa operativo Feder Galicia para a “Conservación, protección, fomento e desenvolvemento do patrimonio natural e cultural”.
A intención de Turismo é “sensibilizar”, aínda máis, á poboación galega e “aos sectores implicados sobre os valores do turismo en Galicia”. Estes cartos súmase aos 1,9 millóns de euros que o Goberno de Feijóo lle dará a determinados medios galegos en periodo electoral.
O IEM pechas os faladoiros sobre o arquitecto Gómez Román cunha conferencia de Francisco Domínguez (Penzol).
O ciclo continuará este venres 24 de abril, ás 20:30horas na Aula de Cultura Ponte de Rosas, cunha intervención de Francisco Domínguez Martínez, director da Fundación Penzol.
"Arredor da obra e figura de Manuel Gómez Román", será o tema deste faladoiro que contará cunha presentación a cargo do enxeñeiro industrial e membro do IEM, Xaquín de Acosta Beiras.
O IEM abre inscricións para participar da xeira “Tras os pasos do conde de Gondomar” por Zamora e Valladolid.
O Instituto de Estudos Miñoranos abre inscricións para participar dunha visita guiada por Zamora e Valladolid: “Tras os pasos do conde de Gondomar”. A xeira contará coa guía do arquitecto Antonio Soliño Troncoso, e terá lugar os días 25, 26 e 27 de xuño. As reservas de prazas terán lugar até o vindeiro 4 de maio quedando a disposición o teléfono 986360575 a partir das 18 horas e o enderezo electrónico Este enderezo de correo-e está a ser protexido de robots spamers, precisas activar o JavaScript para velo
Alén Miñor móstrase coma unha variante das exitosas "Xeiras", tentando combinar cultura e viaxe con espazos de convivencia. O responsable e coordinador desta nova actividade é Pablo Casal, membro do IEM. A primeira proposta cremos que ten unha compoñente moi especial, xa que está relacionada directamente coa historia de Gondomar e o Val Miñor. Renderemos homenaxe á figura do persoeiro máis relevante da bisbarra, Diego Sarmiento de Acuña, I Conde de Gondomar. Â Nesta xeira visitaremos algúns dos lugares onde viviu, traballou e pasou parte da vida.
Os faladoiros do IEM: “Gómez Román: arquitecto e galeguista”. Venres 17 e 24 de abril.
A obra e traxectoria do arquitecto Manuel Gómez Román (1875-1964) vertebrará un ciclo de faladoiros organizado polo IEM baixo o título "Gómez Román, arquitecto e galeguista". A primeira conferencia "Manuel Gómez Román. A procura dunha arquitectura do lugar", estará a cargo do historiador Xosé Ramón Iglesias Veiga, membro do Instituto de Estudos Vigueses. Será este venres 17 de abril ás 20:30 horas na Aula de Cultura Ponte de Rosas (Avda. da Feira, 10, baixo, Gondomar), e contará cunha presentación da arquitecta e membro do IEM, Rosa Mouriño.
JPAGE_CURRENT_OF_TOTAL
