Este domingo a Banda Agrupación Musical de Vincios estará actuando nas Festas patronais de Vilas na parroquia de Morgadáns. Ás 10h da mañá a Banda fará o seu pasarrúas polo centro da vila de Gondomar ata a Praza do Concello e despois continuará a súa actuación no Campo da Festa de Vilas.
Obras finalistas dos Premios Xerais 2015.
O xurado da XXXII edición do Premio Xerais de Novela, dotado con 10.000 euros e no que concorren trinta e catro obras, formado por: Ángel Ramiro Paz «Cano» (libreiro. Libraría Paz de Pontevedra), Anxo González Guerra (profesor xubilado), Sofía Tarela (música), María Costa Vázquez (editora), Alejandro Costas Gándara (programador) e Fran Alonso (secretario do xurado), en representación de Xerais, con voz e sen voto, acordou declarar finalistas as obras presentados cos lemas «Adiante sempre», «De remate» e «Pedra d' Ostral».
Fican en #Nigrán 5 embaixadores da medicina natural e a agricultura ecolóxica.
Adeline e Arthur, acompañados de Fernandel (o burro), Gladis (a cabra) e Baytan (o can) compoñen o equipo dos "Eco Trotamundos", implicados nunha viaxe que comezou polo camiño de Santiago dende Francia e que agora os deixa no Val Miñor. A particularidade do equipo fai que as acollidas sexan de familias ou colectivos que lles faciliten un espazo no que en especial, Fenrandel, Gladis e Baytan podan ficar sen problemas. A Casa Colorida de Nigrán será que acolla durante os próximos 15 días a estes viaxeiros que a cambio desta hospitalidade achegarán os seus coñecementos agroecolóxicos na mellora da horta comunitaria da casa.
Cantares do Brión organiza a súa IV Romaría laica con foliadas e aturuxos na Serra do Galiñeiro.
Este domingo 31 de maio o Coro Tradicional Cantares do Brión organiza por cuarto ano consecutivo a Romaría da Touba do Brión, unha festa laica que se celebra nas abas da Serra do Galiñeiro. A partir das 10:30 da mañá dará comezo a romaría cunha camiñada desde a casa reitoral de Vincos (na subida ao centro cultural) até a Touba do Brión, debaixo do Curro. Os organizadores pregan levar calzado cómodo "para andar e superar algún regato que atoparemos na andaina á Touba do Brión, e levar para comer e beber. Despois: bailar, cantar e obradoiros semellantes ao da última romaría", sinalan
O Centro Cultural de Borreiros acolle inscricións para cursos de cociña internacional e Internet.
Cociña internacional e "A Internet e correo electrónico" son os cursos ofertados. Organizados pola asociación veciñal San Martiño de Borreiros, este cursos conta co respaldo da Deputación de Pontevedra no marco dos programas "Pensa en ti" e "Ti tamén contas" repectivamente. Duración 30 horas.
A parroquia de Chaín organiza un bingo solidario en apoio á deportista Desirée Vila
Será o vindeiro domingo 31 de maio a partir das 18:30 horas no centro cultural A Merced de Chaín. A actividade comprende 7 grandes bingos con produtos comestibles aos que se poderá acceder como premios en cada xogo. A organización destinará o recadado á campaña "Da el paso ... Únete" en apoio a Desirée Vila, ximnasta de Gondomar que sufriu unha caída adestrando o pasado mes de febreiro e tras unhas complicacións médicas tívoselle que amputar unha perna.
Os proxectos máis recentes do escultor Silverio Rivas preséntanse na Aula de Cultura Ponte de Rosas.
ITINERARIUS: A mostra do escultor Silverio Rivas inaugúrase este venres 29 de maio ás 20.30h na Aula de Cultura Ponte de Rosas.
Hei de erguer contra o aire, o silencio e o misterio que a terra esconde na súa entraña, escribe o poeta Xavier Seoane nun texto inédito, que presenta esta mostra que desvelará un feixe da máis recente creación plástica de Silveiro Rivas.
O artista nado en Ponteareas amosará unha serie de traballos experimentais en diversos materiais e dimensións. Destacan bosquexos que saen por primeira vez do seu obradoiro e traballos de gran porte en aceiro inoxidable.
Castro e Ladeira convoca á formación dun grupo de danza tradicional na parroquia de #Sabarís.
A actividade pretende formar un grupo de baile galego para a parroquia, segundo da conta Martín Otero, da asociación veciñal Castro e Ladeira de Sabarís. Para iso están abertas as inscricións para comezar as clases formativas no local da asociación. Os interesados deben dirixirse ao local os luns de 11 a 13 ou xoves de 19 a 21:30 horas. O colectivo pon a disposición o enderezo electrónico Este enderezo de correo-e está a ser protexido de robots spamers, precisas activar o JavaScript para velo .
Nace a Red de Cine Doméstico
•Distintas iniciativas chegadas de nove comunidades autónomas crean esta rede tras unha xuntanza en Cáceres
• Proxecto Socheo con fondos de filmes do Baixo Miño e Val Miñor é o representante galego nesta rede
Nove iniciativas de toda España acordaron a constitución dunha rede dedicada á recuperación, conservación e difusión do cinema doméstico nos seus diferentes soportes. É a Red de Cine Doméstica.
JPAGE_CURRENT_OF_TOTAL