{plusone}Última viaxe ao mar, Tupperware, O vals e a rosa, A cidade imposible e Holocausto Zacoe son as cinco obras finalistas elixidas polo xurado do IV Premio de Poesía Victoriano Taibo - Entidade Local Menor de Morgadáns, que retribuirá ao gañador con 3.000 euros en metálico, unha peza escultórica de Fino Lorenzo e mais a publicación da obra. A obra e identidade do gañador darase a coñecer nos próximo días, informou o Instituto de Estudos Miñoranos, creador do certame que celebra esta ano as súa cuarta edición.

Os petróglifos do Sobral (Couso) ten dende a madrugada do martes unha réplica dixital en 3D realizada polo Instituto de Estudos Miñoranos e o Instituto Tecnológico de Materiales de Asturias. Trátase da primeira peza de arte rupestre miñorano que poderá ser arquivada e reproducida ad infinitum cunha precisión micrométrica. Esta achega tecnolóxica - científica posibilitará aos investigadores pescudar coas vantaxes da tecnoloxía 3D: hologramas a tamaño real, proxección en pantallas multitáctiles, reprodución das pezas en diversos materiais, etc. Ao mesmo tempo os especialistas salientaron a importancia destes traballos de cara á seguridade, conservación e divulgación deste patrimonio cultural de Galicia.

No espazo cultural de Sabarís o Mercado de la Tía Ni estase a desenvolver un taller de debuxo e pintura a cargo do recoñecido artista plástico Claudio Maseiro. O obradoiro preséntase como un ensino accesible para todas aquelas persoas con intención de iniciarse no mundo da pintura. Actualmente están a rematar os talleres curtos do verán de debuxo e carboncillo, e o vindeiro venres 2 de setembro comeza un de pastel e xices e outro de acuarelas ata o 30 de setembro. Os interesados deben comunicarse ao teléfono 689 62 46 85.