Os poetas de Galicia ten un novo espazo autoxestionado onde dar a coñecer os seus traballos coa creación do Blog As escollas electivas. Unha iniciativa privada, que segundo definen os seus creadores ourensáns , Suso Díaz e Maripaz Paz, está inspirada noutros proxectos similares (que puxo en marcha o arxentino Alejandro Méndez), e que teñen como único fin amosar a poesía dos autores vivos galegos.

Este sábado 31 de decembro, desde as 12 e até as 13:30 horas, a escritora Marta Dacosta asinará exemplares do seu libro Acuática alma na librería Libraida de Godomar. O libro está editado por Espiral Maior e é o sexto poemario da autora.

A Aula de Cultura Ponte de Rosas, sede do Instituto de Estudos Miñoranos, acolleu este xoves a presentación do poemario Acuática Alma (Espiral Maior, 2011) da escritora gondomareña Marta Dacosta. No acto participaron o tamén escritor Miguel Anxo Mouriño polo Instituto de Estudos Miñoranos e Miguel Anxo Fernán pola casa editora. A presentación contou coa interpretación de fragmentos do poemario por parte da autora e dos novos Duna e Aldán.

O Concello de Gondomar dispón de entradas para concorrer ao III Certame de Rondallas Deputación de Pontevedra. Todos aqueles que o desexen poden retirar invitacións na Secretaría do Concello ou na Casa da Cultura a fin de acompañar ás agrupacións locais durante a súa actuación.