O PSOE baionés acusa ao goberno municipal de "falta de sensibilidade e de responsabilidade" por deixar no abandono este paseo fluvial ás beiras do Río Fraga, na parroquia de Baredo. Denuncian concretamente o derrube da ponte e pasarela a carón do paso do Camiño Portugués pola Costa. Desfeita que advirten, esténdese no resto do traxecto onde a madeira amosa falla de mantemento, superficies podres ou escorregadizas, que poden provocar accidentes aos viandantes.

Os Socialistas de Baiona apoian a decisión da confraría La Anunciada de Baiona de suspender o traslado da poxa de produtos a Vigo. Tras algúns meses nos que salientan que "había entre os veciños e diferentes sectores de empresarios do pobo unha gran preocupación pola perda deste servizo", os socialistas opinan que é unha "boa noticia" o anuncio da suspensión por parte da lonxa.

Ambas as dúas achegas provinciais foron anunciadas esta semana e amosan unha disparidade importante na coantía. Mentres a redacción do "Plan Especial de dotación de infraestruturas As Costeiras" que beneficiará o proxecto do campo de golf en Baredo percibirá 60.500 euros para a súa consecución, os servizos sociais do municipio contarán con tan só unha colaboración de 8.000, provenintes do programa "Axudas Básicas de Emerxencias", da administración provicial.

O BNG vén de reclamar no Congreso dos Deputados un millón de euros para recuperar as baterías do Silleiro e indemnizar aos expropiados. O fan a través dunha alegación aos Orzamentos Xerais na que sinalan que o espazo patrimonial foi "degradado desde su abandono por parte do exército español", e reclaman a inversión para acondicionalo para o uso público.

O Bloque Nacionalista Galego, a través da deputada Olaia Fernández Davila, instou ao Ministerio de Medio Ambiente a que execute a orde de derrubo que pesa sobre os bungalows ilegais instalados na Foz do Miñor. Nunha  Proposición non de Lei sinala que aínda habendo unha resolución do Servizo Provincial de Costas de Pontevedra e unha sentenza do Tribunal Superior de Xustiza de Galiza seguen os bungalows ilegais instalados nun Lugar de Interese Comunitario e dentro da Rede Natura 2000.

Non só caeu a droga agochada no local, tamén o caderno onde o propietario facía anotacións de supostas débedas e compra de sustancias estupefacientes dos clientes. O operativo tivo lugar a pasada fin de semana, segundo da conta a Garda Civil. Durante a revisión se incautou, nun peto do propietario do local, un anaco de hachís, na caixa registradora e debaixo da mesma unha papelina de cocaína e máis hachís así como o devandito caderno de anotacións e 3.000 euros en billetes fraccionados.

Sinalan que tras 14 anos de ordenado o derrube dos bungalows ilegais instalados no Camping Bayona Playa, as “manobras dilatorias dos infractores, mediante arducias legais, unidos á desidia do Goberno Municipal permiten que sigan en pé”. A queixa dos nacionalistas prodúcese ao tempo que o Tribunal Superior de Xustiza de Galicia (TSXG), solicita ao Concello  de Baiona “unha resolución firme que declare o carácter ilegalizable das obras, para o que debe responder ao recurso de reposición de forma expresa.” Nese senso, o BNG pregunta “cómo pode ser que veña agora o TSXG a reclamar ao Concello de Baiona unha resposta ao recurso da propiedade porque cando o tivo que presentar non o fixo?”

Dende a falla de privacidade para atender aos usuarios dos servizos sociais, a insuficiencia de mobiliario e até a precariedade nos baños que fan uso, son algúns dos puntos abordados por representantes sindicais dos funcionarios de Baiona cunha delegación do PSOE-Baiona encabezada por Rafael Lores, secretario xeral da agrupación. Os traballadores municipais manifestaron que estas e outras irregularidades "xa foron denunciadas e rexistradas na inspección de traballo", segundo dan conta os socialistas nun comunicado.